അൽ മൗജ്, 18th നവംബർ സ്ട്രീറ്റ് എന്നീ പാതകളുടെ വീതിക്കൂട്ടുന്നതിനുള്ള പദ്ധതി ഉടൻ ആരംഭിക്കുമെന്ന് മസ്കറ്റ് മുനിസിപ്പാലിറ്റി അറിയിച്ചു. 2022 സെപ്റ്റംബർ 11-ന് വൈകീട്ടാണ് മസ്കറ്റ് മുനിസിപ്പാലിറ്റി ഇത് സംബന്ധിച്ച അറിയിപ്പ് നൽകിയത്.
ഈ പാതകളിലെ ട്രാഫിക് തിരക്ക് കുറയ്ക്കുന്നത് ലക്ഷ്യമിട്ടാണ് മുനിസിപ്പാലിറ്റി ഈ പദ്ധതി പ്രഖ്യാപിച്ചിരിക്കുന്നത്. ഇതിന്റെ ഭാഗമായി അൽ മൗജ്, 18th നവംബർ സ്ട്രീറ്റ് എന്നീ പാതകൾ ഇരുവശത്തേക്കും മൂന്ന് വരിപ്പാതകളാക്കി മാറ്റുന്നതാണ്.
ഇതോടൊപ്പം അൽ ഹൈൽ നോർത്തിലെ അൽ മൗജ് റൌണ്ട്എബൗട്ട്, അൽ ബാഹ റൌണ്ട്എബൗട്ട്, അൽ ഇശാറാഖ് റൌണ്ട്എബൗട്ട് എന്നിവ കൂടുതൽ ഗതാഗതം കൈകാര്യം ചെയ്യാവുന്ന രീതിയിൽ ട്രാഫിക് ലൈറ്റ് സിഗ്നലുകൾ ഉൾപ്പെടുത്തി നവീകരിക്കുമെന്നും മുൻസിപ്പാലിറ്റി അറിയിച്ചിട്ടുണ്ട്. ഇതിന് പുറമെ, ഈ മേഖലയിലെ വാണിജ്യ ആവശ്യത്തിനായുള്ള കെട്ടിടങ്ങളിലേക്കുള്ള സർവീസ് റോഡുകൾ പുനർനിർമ്മിക്കുമെന്നും മുനിസിപ്പാലിറ്റി വ്യക്തമാക്കിയിട്ടുണ്ട്.
