ഒമാനിലെ സർക്കാർ മേഖലയിലെയും, സ്വകാര്യ മേഖലയിലെയും സ്ഥാപനങ്ങളുടെ ഈ വർഷത്തെ ഈദുൽ ഫിത്ർ അവധി ദിവസങ്ങൾ പ്രഖ്യാപിച്ചു. 2024 ഏപ്രിൽ 4-നാണ് ഒമാൻ ന്യൂസ് ഏജൻസി ഇക്കാര്യം റിപ്പോർട്ട് ചെയ്തത്.
ഈ അറിയിപ്പ് പ്രകാരം, ഒമാനിലെ പൊതു, സ്വകാര്യ മേഖലകളിലെ ഈദുൽ ഫിത്ർ അവധി 2024 ഏപ്രിൽ 9, ചൊവ്വാഴ്ച ആരംഭിക്കുന്നതാണ്. വാരാന്ത്യ അവധിദിനങ്ങൾ അടക്കം അഞ്ച് ദിവസം നീണ്ട് നിൽക്കുന്ന ഈ അവധി ഏപ്രിൽ 13, ശനിയാഴ്ച വരെയാണ്.
ഈദുൽ ഫിത്ർ അവധിദിനങ്ങൾക്ക് ശേഷം ഒമാനിലെ പൊതു, സ്വകാര്യ മേഖലകളിൽ 2024 ഏപ്രിൽ 14, ഞായറാഴ്ച മുതൽ പ്രവർത്തനം പുനരാരംഭിക്കുന്നതാണ്.
