ഖത്തറിൽ 225 പേർക്ക് കൂടി കൊറോണാ വൈറസ് ബാധ കണ്ടെത്തിയതായി ആരോഗ്യ മന്ത്രാലയം ഏപ്രിൽ 7, ചൊവാഴ്ച്ച അറിയിച്ചു. ഇതോടെ ഖത്തറിൽ ആകെ രോഗം ബാധിച്ചവരുടെ എണ്ണം 2057 ആയി. ഇതുവരെ 150 പേർക്ക് രോഗം ഭേദമായിട്ടുണ്ട്.
ഖത്തറിൽ COVID-19 നെ തുടർന്നു 2 പേർ കൂടി മരിച്ചതായും മന്ത്രാലയം അറിയിച്ചു. 74 വയസ്സും 59 വയസ്സും പ്രായമുള്ള 2 ഖത്തർ നിവാസികളാണ് മരിച്ചത്. ഇരുവരും ഗുരുതരമായ മറ്റു ആരോഗ്യ പ്രശ്നങ്ങൾ ഉള്ളവരായിരുന്നെന്ന് മന്ത്രാലയം കൂട്ടിച്ചേർത്തു. ഇതോടെ ഖത്തറിൽ കൊറോണാ വൈറസ് ബാധയെത്തുടർന്നുള്ള മരണം 6 ആയി.
