2025 മെയ് 31, ശനിയാഴ്ച മുതൽ അഹ്‌മദ്‌ ബിൻ ജാസിം സ്ട്രീറ്റിൽ താത്‌കാലിക ഗതാഗത നിയന്ത്രണം ഏർപ്പെടുത്തുമെന്ന് ഖത്തർ പബ്ലിക് വർക്സ് അതോറിറ്റി അറിയിച്ചു. 2025 മെയ് 27-നാണ് ഖത്തർ പബ്ലിക് വർക്സ് അതോറിറ്റി ഇത് സംബന്ധിച്ച അറിയിപ്പ് നൽകിയത്.
#Ashghal: temporary closure on part of Ahmed bin Jassim Street in both directions from the roundabout at Al Shaheen Street until Saad Al Shaer Street starting Saturday 31 May 2025, at 6 AM, to allow implementation of infrastructure and road works.
— هيئة الأشغال العامة (@AshghalQatar) May 27, 2025
During this time, road users of… pic.twitter.com/QA5pTFlNvR
അഹ്‌മദ്‌ ബിൻ ജാസിം സ്ട്രീറ്റിൽ അൽ ഷഹീൻ സ്ട്രീറ്റ് മുതൽ സാദ് അൽ ഷർ സ്ട്രീറ്റ് വരെയുള്ള മേഖലയിൽ ഇരുവശത്തേക്കുമാണ് റോഡ് താത്കാലികമായി അടച്ചിടുന്നത്. 2025 മെയ് 31, ശനിയാഴ്ച രാവിലെ 6 മണി മുതൽ നാല് മാസത്തേക്കാണ് ഈ താത്‌കാലിക ഗതാഗത നിയന്ത്രണം.
ഈ മേഖലയിലെ റോഡ് അറ്റകുറ്റപ്പണികൾ തീർക്കുന്നതിനും, അടിസ്ഥാന സൗകര്യ വികസനപ്രവർത്തനങ്ങൾ പൂർത്തിയാക്കുന്നതിനുമായാണിത്. ഈ കാലയളവിൽ അഹ്‌മദ്‌ ബിൻ ജാസിം സ്ട്രീറ്റിലൂടെ സഞ്ചരിക്കുന്നവർ പകരമായി അൽ ഷഹീൻ സ്ട്രീറ്റ്, സാദ് അൽ ഷർ സ്ട്രീറ്റ് എന്നിവ ഉപയോഗിക്കേണ്ടതും തുടർന്ന് മുഅയിത്തീർ അസ്മ സ്ട്രീറ്റ്, മുഅയിത്തീർ ലെഗ്‌റേറ്റ സ്ട്രീറ്റ് മുതലായ സമാന്തര റോഡുകൾ ഉപയോഗപ്പെടുത്തേണ്ടതുമാണ്.
