സുൽത്താൻ ഖാബൂസ് സ്ട്രീറ്റിന് ഇരുവശങ്ങളിലും 2023 മെയ് 28, 29 തീയതികളിൽ വാഹന പാർക്കിംഗ് അനുവദിക്കില്ലെന്ന് റോയൽ ഒമാൻ പോലീസ് അറിയിച്ചു. 2023 മെയ് 27-നാണ് പോലീസ് ഇക്കാര്യം അറിയിച്ചത്.
സുൽത്താൻ ഖാബൂസ് സ്ട്രീറ്റിൽ അൽ ബറാഖ പാലസ് റൗണ്ട്എബൌട്ട് മുതൽ റോയൽ പ്രൈവറ്റ് എയർപോർട്ട് വരെയുള്ള മേഖലയിലാണ് ഈ പാർക്കിംഗ് നിയന്ത്രണം ഏർപ്പെടുത്തുന്നത്. ഈ കാലയളവിൽ മേഖലയിൽ ഇരുവശത്തും വാഹനങ്ങൾ പാർക്ക് ചെയ്യരുതെന്ന് പോലീസ് ആവശ്യപ്പെട്ടിട്ടുണ്ട്.
ഒമാൻ ഭരണാധികാരിയുടെ രണ്ട് ദിവസത്തെ ഇറാൻ ഔദ്യോഗിക സന്ദർശനത്തിന്റെ ഭാഗമായുള്ള സുരക്ഷാ നടപടികൾക്കായാണ് ഈ നിയന്ത്രണം.
