2025 മാർച്ച് 1 മുതൽ ദുബായ് മെട്രോ സ്റ്റേഷനുകളിൽ സ്ഥാപിച്ചിട്ടുള്ള ടിക്കറ്റ് വെൻഡിങ് മെഷിനുകൾ ഉപയോഗിച്ചുള്ള ഏറ്റവും ചുരുങ്ങിയ നോൾ കാർഡ് ടോപ്-അപ്പ് നിരക്ക് 20 ദിർഹമാക്കി ഉയർത്താൻ തീരുമാനിച്ചതായി ദുബായ് റോഡ്സ് ആൻഡ് ട്രാൻസ്‌പോർട് അതോറിറ്റി (RTA) അറിയിച്ചു.
أعد تعبئة رصيدك عبر قنوات الدفع الرقمية، ووفر الوقت والجهد. حيث سيكون الحد الأدنى لإعادة شحن رصيد بطاقة #نول عبر أجهزة بيع التذاكر 20 درهماً بدءًا من تاريخ 1 مارس. لتجربة تنقل أكثر سلاسة على متن المترو مع #هيئة_الطرق_و_المواصلات.
— RTA (@rta_dubai) February 25, 2025
لمزيد من المعلومات، يمكنك مراجعة صفحة دليل… pic.twitter.com/k4HqVS8ErL
2025 ഫെബ്രുവരി 25-നാണ് RTA ഇത് സംബന്ധിച്ച അറിയിപ്പ് നൽകിയത്.
ടിക്കറ്റ് വെൻഡിങ് മെഷിനുകൾ ഉപയോഗിച്ച് നോൾ കാർഡ് ടോപ്-അപ്പ് ചെയ്യുന്നതിന് ബാധകമാക്കിയിരുന്ന ഏറ്റവും ചുരുങ്ങിയ തുക നേരത്തെ അഞ്ച് ദിർഹം ആയിരുന്നു.
മെട്രോ സ്റ്റേഷനുകളിലെ ടിക്കറ്റിങ് ഓഫീസുകളിൽ നിന്ന് നോൾ കാർഡുകൾ ടോപ്-അപ്പ് ചെയ്യുന്നതിന് ബാധകമാക്കിയിരുന്ന ഏറ്റവും ചുരുങ്ങിയ തുക 2024 ഓഗസ്റ്റ് 17 മുതൽ RTA 50 ദിർഹമാക്കി ഉയർത്തിയിരുന്നു.
ഓൺലൈൻ സംവിധാനങ്ങളിലൂടെ നോൾ കാർഡുകൾ ടോപ്-അപ്പ് ചെയ്യുന്നതിന് ഈ പുതുക്കിയ നിരക്കുകൾ ബാധകമല്ലെന്ന് RTA വ്യക്തമാക്കിയിട്ടുണ്ട്.
