രാജ്യത്ത് ബസ്, ട്രെയിൻ എന്നീ പൊതുഗതാഗത സംവിധാനങ്ങൾ ഉപയോഗിക്കുന്നവരുടെ എണ്ണത്തിൽ കഴിഞ്ഞ വർഷം വലിയ വളർച്ച രേഖപ്പെടുത്തിയതായി സൗദി അധികൃതർ അറിയിച്ചു. പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്.
#GASTAT publishes Railway Transport Statistics 2023.
— الهيئة العامة للإحصاء (@Stats_Saudi) November 7, 2024
സൗദി ജനറൽ അതോറിറ്റി ഫോർ സ്റ്റാറ്റിസ്റ്റിക്സ് (GASTAT) പുറത്ത് വിട്ട കണക്കുകൾ പ്രകാരമാണിത്.
ഈ കണക്കുകൾ പ്രകാരം, 2023-ൽ സൗദി അറേബ്യയിൽ പൊതു ഗതാഗത സംവിധാനങ്ങളുടെ ഭാഗമായുള്ള ബസുകളിൽ യാത്ര ചെയ്തവരുടെ എണ്ണം അതിന്റെ മുൻവർഷത്തെ അപേക്ഷിച്ച് 176 ശതമാനം ഉയർന്നിട്ടുണ്ട്. 2023-ൽ നഗരപരിധികളിൽ മാത്രം 113.5 ദശലക്ഷത്തിലധികം പേർ ബസുകൾ ഉപയോഗിച്ചിട്ടുണ്ട്.
ഇതേ കാലയളവിൽ 4.1 ദശലക്ഷം പേർ ഇന്റർസിറ്റി ബസുകളിൽ സഞ്ചരിച്ചിട്ടുണ്ട്. 2023-ൽ ആകെ 3.7 മില്യൺ ഇന്റർസിറ്റി ബസ് സർവീസുകളാണ് നടത്തിയത്.
2023-ൽ ആകെ 30.3 ദശലക്ഷം പേരാണ് സൗദി അറേബ്യയിലെ ട്രെയിൻ സംവിധാനങ്ങൾ ഉപയോഗിച്ച് യാത്ര ചെയ്തത്. 2022-ലെ കണക്കുകളെ അപേക്ഷിച്ച് ട്രെയിൻ യാത്രികരുടെ എണ്ണത്തിൽ 33 ശതമാനം വളർച്ച രേഖപ്പെടുത്തിയിട്ടുണ്ട്.
Cover Image: Saudi Press Agency.
