ന്യൂഡൽഹിയിൽ സംഘടിപ്പിച്ച പതിമൂന്നാമത് ബ്രിക്സ് അർബൻ ഫോറത്തിൽ യു എ ഇ ഊർജ്ജ, അടിസ്ഥാന സൗകര്യ മന്ത്രാലയം (MoEI) പങ്കെടുത്തു. 2026 ജൂൺ 19-നാണ് എമിറേറ്റ്സ് ന്യൂസ് ഏജൻസി ഇക്കാര്യം റിപ്പോർട്ട് ചെയ്തത്.
UAE showcases its model for building future cities at 13th BRICS Urban Forum in India#WamNews https://t.co/G8lYHG0AOL pic.twitter.com/IRGM4QPiMY
— WAM English (@WAMNEWS_ENG) June 19, 2026
‘ജനങ്ങൾക്കായുള്ള നഗരങ്ങൾ: ഉൾക്കൊള്ളുന്നതും പ്രതിരോധശേഷിയുള്ളതുമായ നഗര ഭാവികൾക്കായുള്ള ബ്രിക്സ് സഹകരണം’ എന്ന വിഷയത്തിലൂന്നിയാണ് പതിമൂന്നാമത് ബ്രിക്സ് അർബൻ ഫോറം സംഘടിപ്പിച്ചത്.
സുസ്ഥിരവും, പ്രതിരോധശേഷിയുള്ളതും, ജനങ്ങളെ കേന്ദ്രീകരിച്ചുള്ളതുമായ നഗരങ്ങൾ വികസിപ്പിക്കുന്നതിലെ തങ്ങളുടെ മുൻനിര അനുഭവം ഈ ഫോറത്തിൽ യു എ ഇ എടുത്തുകാട്ടി. നഗര ആസൂത്രണത്തിനും തീരുമാനമെടുക്കലിനും പിന്തുണ നൽകുന്നതിനായി നൂതന സാങ്കേതികവിദ്യകളും ഡാറ്റാധിഷ്ഠിത സമീപനങ്ങളും പ്രയോജനപ്പെടുത്തുന്ന രീതിയിലൂന്നിയാണ് യു എ ഇ ഇത് നടപ്പിലാക്കുന്നത്.
MoEI-യിലെ ഇൻഫ്രാസ്ട്രക്ചർ ആൻഡ് ട്രാൻസ്പോർട്ട് റെഗുലേഷൻ അസിസ്റ്റന്റ് അണ്ടർ സെക്രട്ടറി ഷെയ്ഖ് നാസർ ബിൻ മജീദ് അൽ ഖാസിമിയാണ് യു എ ഇ പ്രതിനിധി സംഘത്തെ നയിച്ചത്. MoEI-യിലെ നഗര ആസൂത്രണ വകുപ്പ് ഡയറക്ടർ ഡോ. എഞ്ചിനീയർ സെയ്ഫ് അൽ ഖാഇദി, MoEI-യിലെ ലാൻഡ് ട്രാൻസ്പോർട്ട് അഫയേഴ്സ് വകുപ്പ് ഡയറക്ടർ എഞ്ചിനീയർ മുഹമ്മദ് ഫിക്രി എന്നിവരും ഈ സംഘത്തിൽ ഉണ്ടായിരുന്നു.
സാമ്പത്തിക വളർച്ച, സുസ്ഥിരത, ജീവിത നിലവാരം എന്നിവ സന്തുലിതമാക്കുന്ന ഒരു സംയോജിത നഗര വികസന മാതൃക യു എ ഇ വിജയകരമായി നടപ്പിലാക്കിയിട്ടുണ്ടെന്ന് ഈ ഫോറത്തിൽ ഷെയ്ഖ് അൽ ഖാസിമി ചൂണ്ടിക്കാട്ടി. ആസൂത്രണം, ഡിജിറ്റൽ പരിവർത്തനം, നവീകരണം എന്നിവയാണ് ഈ നേട്ടത്തിന് പിന്നിലെന്ന് അദ്ദേഹം അഭിപ്രായപ്പെട്ടു.
WAM
