2026 ജനുവരി 31-ന് സമാപിച്ച ഇത്തവണത്തെ ‘മസ്കറ്റ് നൈറ്റ്സ്’ ശൈത്യകാല ആഘോഷപരിപാടികളിൽ ആകെ 2 ദശലക്ഷം സന്ദർശകർ പങ്കെടുത്തു. 2026 ഫെബ്രുവരി 2-നാണ് ഒമാൻ ന്യൂസ് ഏജൻസി ഇക്കാര്യം റിപ്പോർട്ട് ചെയ്തത്.
فعاليات ليالي #مسقط 2026 تستقطب نحو مليوني زائر منذ انطلاقها، في موسم استثنائي وفّر 500 فرصة عمل للعُمانيين، وشهد إقبالًا واسعًا بفضل برامجه النوعية والأنشطة المتنوعة.https://t.co/Otd01blE0W#العُمانية pic.twitter.com/JX8wUQMkFu
— وكالة الأنباء العمانية (@OmanNewsAgency) February 2, 2026
മസ്കറ്റ് നൈറ്റ്സ് സന്ദർശകരുടെ എണ്ണത്തിൽ ഇത് ഒരു പുതിയ റെക്കോർഡാണ്.
ഖുറം നാച്ചുറൽ പാർക്ക്, സീബ് ബീച്ച്, അൽ അമീറത് പാർക്ക്, ഒമാൻ ഓട്ടോമൊബൈൽ അസോസിയേഷൻ, ഖുറയ്യത്, വാദി അൽ ഖൗദ്, റോയൽ ഓപ്പറ ഹൗസ്, വിവിധ ഷോപ്പിംഗ് മാളുകൾ തുടങ്ങി ഒന്നിലധികം വേദികളായിലായാണ് ‘മസ്കറ്റ് നൈറ്റ്സ്’ നടത്തിയത്. ആകെ 24 വേദികളിലായി രണ്ട് ദശലക്ഷം സന്ദർശകർ ‘മസ്കറ്റ് നൈറ്റ്സ്’ ശൈത്യകാല ആഘോഷപരിപാടികളിൽ പങ്കെടുത്തതായും, സ്വദേശികൾക്കിടയിൽ അഞ്ഞൂറോളം തൊഴിലവസരങ്ങൾ സൃഷ്ടിച്ചതായും അധികൃതർ വ്യക്തമാക്കി.
2026 ജനുവരി 1-നാണ് ഇത്തവണത്തെ ‘മസ്കറ്റ് നൈറ്റ്സ്’ ആരംഭിച്ചത്. ഈ മേളയുടെ ഭാഗമായി 168-ഓളം സാംസ്കാരിക, കായിക, കലാ പ്രദർശനങ്ങൾ അരങ്ങേറി.
Cover Image: Oman News Agency.
