അൽ-ദാഹിറ ഗവർണറേറ്റിൽ നടന്ന ഖനന പ്രവർത്തനങ്ങളിൽ നാലായിരത്തിലധികം വർഷം പഴക്കമുള്ള പുരാവസ്തു അവശേഷിപ്പുകൾ കണ്ടെത്തിയതായി ഒമാൻ അധികൃതർ അറിയിച്ചു. 2026 ഒക്ടോബർ 27-നാണ് ഒമാൻ ന്യൂസ് ഏജൻസി ഇക്കാര്യം റിപ്പോർട്ട് ചെയ്തത്.
أعمال التنقيب والحفريات في محافظة #الظاهرة تكشف عن بقايا هياكل عظمية وأوانٍ فخارية مكتملة داخل غرف دفن، يعود معظمها إلى حضارة جمدة نصر في بلاد الرافدين وتؤرَّخ إلى الألف الثالث قبل الميلاد. https://t.co/35KZ1WJkBS #العُمانية https://t.co/u0gkoenwYU
— وكالة الأنباء العمانية (@OmanNewsAgency) October 27, 2026
അൽ-ദാഹിറ ഗവർണറേറ്റിലെ ഇബ്രി വിലായത്തിലുള്ള അൽ-ഐനിൻ പ്രദേശത്ത് കഴിഞ്ഞ ആഴ്ച മുതൽ നടന്നുവരുന്ന ഖനന പ്രവർത്തനങ്ങൾക്കിടയിലാണ് ശവകുടീര അറകൾക്കുള്ളിൽ അസ്ഥികൂടാവശിഷ്ടങ്ങളും മൺപാത്രങ്ങളും കണ്ടെത്തിയത്.
ബി.സി. മൂന്നാം സഹസ്രാബ്ദത്തോളം പഴക്കമുള്ള ഇവ മെസൊപ്പൊട്ടേമിയയിലെ ‘ജെംദെത് നസ്ർ’ സംസ്കാരവുമായി ബന്ധപ്പെട്ടവയാണെന്നാണ് കരുതപ്പെടുന്നത്.
ചെമ്പ്, വെങ്കലം എന്നിവ അടങ്ങിയ അമ്പുകൾ, കോടാലികൾ, കഠാരകൾ എന്നിവയും ധാരാളം വലിയ മുത്തുകളും ഇവിടെ നിന്ന് ലഭിച്ചിട്ടുണ്ട്. ഒമാൻ ഹെറിറ്റേജ് ആൻഡ് ടൂറിസം വകുപ്പിന്റെ നേതൃത്വത്തിലാണ് ഈ ഖനന പ്രവർത്തനങ്ങൾ നടത്തിയത്.
Cover Image: Oman News Agency.
