വിദ്യാഭ്യാസ രേഖകളുടെ അറ്റസ്റ്റേഷൻ നടപടികൾ കാലതാമസം കൂടാതെ പ്രവാസികൾക്ക് ലഭ്യമാക്കുന്നതിനായി, ഒക്ടോബർ 16, വെള്ളിയാഴ്ച്ച മുൻഗണനാ ക്രമത്തിൽ പ്രത്യേക സേവനങ്ങൾ നൽകുന്നതാണെന്ന് ബഹ്‌റൈനിലെ ഇന്ത്യൻ എംബസി അറിയിച്ചു. മുൻ‌കൂർ അനുവാദം നേടുന്നവർക്ക് ഒക്ടോബർ 16, വെള്ളിയാഴ്ച്ച രാവിലെ 9 മണി മുതൽ ഉച്ചയ്ക്ക് 1 മണി വരെ ഇത്തരം രേഖകളുടെ അറ്റസ്റ്റേഷൻ സേവനങ്ങൾ നൽകുന്നതാണ്.
ഈ സേവനങ്ങൾക്കായുള്ള മുൻ‌കൂർ അനുവാദം 39290917 എന്ന നമ്പറിലൂടെ ഒക്ടോബർ 15, വ്യാഴാഴ്ച്ച രാവിലെ 8.30 മുതൽ വൈകീട്ട് 4.30 വരെ നേടാവുന്നതാണെന്ന് എംബസി അറിയിച്ചിട്ടുണ്ട്. മുൻ‌കൂർ അനുവാദം നേടുന്നവർക്ക് മാത്രമാണ് ഒക്ടോബർ 16-ന് അറ്റസ്റ്റേഷൻ സേവനങ്ങൾ നൽകുക എന്ന് എംബസി വ്യക്തമാക്കിയിട്ടുണ്ട്.
