റാസ് അൽ ഖോർ വന്യമൃഗ സംരക്ഷണകേന്ദ്ര വികസന പദ്ധതിയുടെ ആദ്യ ഘട്ടത്തിന്റെ കരാർ അനുവദിച്ചു. ആകെ 650 മില്യൺ ദിർഹം ചെലവഴിച്ചാണ് ദുബായ് മുനിസിപ്പാലിറ്റി ഈ പദ്ധതി നടപ്പിലാക്കുന്നത്.
Dubai Municipality awards contract for first phase of AED650 million Ras Al Khor Wildlife Sanctuary Development Project. pic.twitter.com/cCDMDdkvEh
— Dubai Media Office (@DXBMediaOffice) June 30, 2025
ഇതിന്റെ ആദ്യ ഘട്ടത്തിലെ കരാർ 100 മില്യൺ ദിർഹം മൂല്യമുള്ളതാണ്. ആകെ രണ്ട് ഘട്ടങ്ങളിലായാണ് റാസ് അൽ ഖോർ വന്യമൃഗ സംരക്ഷണകേന്ദ്ര വികസന പദ്ധതി നടപ്പിലാക്കുന്നത്.
2026 അവസാനത്തോടെ ഈ പദ്ധതിയുടെ ആദ്യ ഘട്ടം പൂർത്തിയാക്കുന്നതിനാണ് ലക്ഷ്യമിടുന്നത്.
ഈ പദ്ധതിയിലൂടെ റാസ് അൽ ഖോർ വന്യമൃഗ സംരക്ഷണകേന്ദ്രത്തിന്റെ ഭാഗമായുള്ള ജലാശയങ്ങളുടെ ആകെ വിസ്തൃതി 144% ഉയർത്തുന്നതിനും, കണ്ടൽക്കാടുകളുടെ സമൃദ്ധി 60% കൂട്ടുന്നതിനും ദുബായ് മുനിസിപ്പാലിറ്റി ലക്ഷ്യമിടുന്നു.
കാർബൺ ഡയോക്സൈഡ് ആഗിരണത്തിന്റെ തോത് 60% കൂട്ടുന്നതിലൂടെ പരിസ്ഥിതി സുസ്ഥിരത പ്രോത്സാഹിപ്പിക്കുന്നതും ഈ പദ്ധതിയുടെ ലക്ഷ്യങ്ങളിലൊന്നാണ്. ഇതോടൊപ്പം ഇക്കോ-ടൂറിസം വളർത്തുന്നതിനും ദുബായ് മുനിസിപ്പാലിറ്റി ലക്ഷ്യമിടുന്നു.
Cover Image: Dubai Media Office.
