സാദിയത് കൾച്ചറൽ ഡിസ്ട്രിക്ടിൽ സ്ഥിതി ചെയ്യുന്ന നാച്ചുറൽ ഹിസ്റ്ററി മ്യൂസിയം അബുദാബി നാളെ (2025 നവംബർ 22, ശനിയാഴ്ച) പൊതുജനങ്ങൾക്ക് തുറന്ന് കൊടുക്കും. 2025 നവംബർ 21-നാണ് അബുദാബി മീഡിയ ഓഫീസ് ഇത് സംബന്ധിച്ച അറിയിപ്പ് നൽകിയത്.
خالد بن محمد بن زايد يشهد حفل الافتتاح الرسمي لمتحف التاريخ الطبيعي أبوظبي في المنطقة الثقافية بجزيرة السعديات، مؤكّداً سموّه أن المتحف يُقدم منصة علمية مبتكرة توسّع آفاق البحث والاكتشاف، تجسيداً لرؤية أبوظبي في ترسيخ ريادتها العالمية في مجالات المتاحف وبحوث العلوم الطبيعية. pic.twitter.com/eazQmGT6Nt
— مكتب أبوظبي الإعلامي (@ADMediaOffice) November 20, 2025
പൊതുജനങ്ങൾക്ക് തുറന്ന് കൊടുക്കുന്നതിന് മുന്നോടിയായി 2025 നവംബർ 20-ന് നടന്ന ഒരു പ്രത്യേക ചടങ്ങിൽ നാച്ചുറൽ ഹിസ്റ്ററി മ്യൂസിയം അബുദാബി ഔദ്യോഗികമായി ഉദ്ഘാടനം ചെയ്തിരുന്നു.
അബുദാബി കിരീടാവകാശിയും, അബുദാബി എക്സിക്യൂട്ടിവ് കൗൺസിൽ അംഗവുമായ H.H. ഷെയ്ഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്യാൻ ഈ ഉദ്ഘാടന ചടങ്ങിൽ പങ്കെടുത്തു.
خالد بن محمد بن زايد وحمدان بن محمد بن راشد يقومان بجولة في متحف التاريخ الطبيعي أبوظبي بالمنطقة الثقافية في جزيرة السعديات، والذي يضمّ معارض وقاعات دائمة ومسارح تفاعلية تنقل الزوّار في رحلة عبر الزمن لاستكشاف تاريخ الحياة على كوكب الأرض. pic.twitter.com/c2QLwuom0X
— مكتب أبوظبي الإعلامي (@ADMediaOffice) November 20, 2025
തുടർന്ന് ഷെയ്ഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്യാൻ, ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം എന്നിവർ മ്യൂസിയത്തിലൂടെ പര്യടനം നടത്തി.
മേഖലയിലെ ഇത്തരത്തിലുള്ള ഏറ്റവും വലിയ മ്യൂസിയമായിരിക്കും നാച്ചുറൽ ഹിസ്റ്ററി മ്യൂസിയം അബുദാബി. സന്ദർശകരെ 13.8 ബില്യൺ വർഷം പഴക്കമുള്ള കാലത്തേക്കും സ്ഥലങ്ങളിലേക്കും കൊണ്ടുപോകുന്നത് ലക്ഷ്യമിട്ടാണ് നാച്ചുറൽ ഹിസ്റ്ററി മ്യൂസിയം അബുദാബി രൂപകൽപന ചെയ്യുന്നത്.
മുപ്പത്തയ്യായിരം സ്ക്വയർ മീറ്റർ വിസ്തൃതിയുള്ള ഈ മ്യൂസിയം അബുദാബിയിലെ പ്രധാനപ്പെട്ട സാംസ്കാരിക അടയാളങ്ങളിലൊന്നായി മാറുന്നതാണ്. അബുദാബി ഡിപ്പാർട്മെന്റ് ഓഫ് കൾച്ചർ ആൻഡ് ടൂറിസം, മിറാൾ എന്നിവർ സംയുക്തമായാണ് നാച്ചുറൽ ഹിസ്റ്ററി മ്യൂസിയം അബുദാബി ഒരുക്കുന്നത്.
എല്ലാ പ്രായത്തിലുമുള്ള സന്ദർശകരിലും പ്രകൃതി ലോകത്തോടുള്ള ആജീവനാന്ത അഭിനിവേശം ഉണർത്താൻ ലക്ഷ്യമിട്ട്, നമ്മുടെ ഗ്രഹത്തിന്റെ വികസിച്ചു കൊണ്ടിരിക്കുന്ന കഥയെക്കുറിച്ചുള്ള പാഠങ്ങൾ നൽകുന്നതിനായാണ് നാച്ചുറൽ ഹിസ്റ്ററി മ്യൂസിയം അബുദാബി രൂപകൽപ്പന ചെയ്യുന്നത്. ശാസ്ത്രം, പ്രകൃതി, വിദ്യാഭ്യാസം തുടങ്ങിയ മേഖലകളെക്കുറിച്ച് അറിയാനാഗ്രഹിക്കുന്നവർക്കുള്ള ഏറ്റവും പ്രധാനപ്പെട്ട ആഗോള കേന്ദ്രങ്ങിലൊന്നായിരിക്കും നാച്ചുറൽ ഹിസ്റ്ററി മ്യൂസിയം അബുദാബി.
നാച്ചുറൽ ഹിസ്റ്ററി മ്യൂസിയം അബുദാബിയിലെ ശേഖരത്തിന്റെ പ്രധാന ആകർഷണങ്ങളിലൊന്ന് ലോകപ്രശസ്തമായ ‘സ്റ്റാൻ’ എന്ന പേരിട്ടിട്ടുള്ള ടൈറനോസോറസ് റെക്സ് ദിനോസർ ഫോസിൽ ആയിരിക്കും. 39 അടി നീളമുള്ള (11.7 മീറ്റർ) ഈ ഫോസിൽ അവസാന ക്രിറ്റേഷ്യസ് കാലഘട്ടത്തിൽ നിന്നുള്ള ടൈറനോസോറസ് റെക്സ് എന്ന വേട്ടക്കാരൻ ദിനോസറിന്റെ ഇത്തരത്തിൽ ലഭിച്ചിട്ടുള്ള ഏറ്റവും മികച്ച രീതിയിൽ സംരക്ഷിക്കപ്പെട്ടിട്ടുള്ളതും, ഏറ്റവും കൂടുതൽ പഠനവിധേയമായതുമായ ഫോസിലുകളിലൊന്നാണ്.
ലോകമെമ്പാടുമുള്ള ശാസ്ത്രജ്ഞർക്കിടയിൽ പ്രശസ്തനായ ‘സ്റ്റാൻ’ എന്ന ഫോസിൽ വർഷങ്ങളോളമുള്ള ശാസ്ത്രീയ പഠനങ്ങളിലൂടെ ടൈറനോസോറസ് റെക്സ് വർഗത്തെക്കുറിച്ചുള്ള നമ്മുടെ അറിവ് വർദ്ധിപ്പിക്കുന്നതിൽ വലിയ പങ്ക് വഹിച്ചിട്ടുണ്ട്. 1992-ൽ അമേരിക്കയിലെ സൗത്ത് ഡക്കോട്ടയിൽ നിന്ന് ഖനനം ചെയ്തെടുത്ത ‘സ്റ്റാൻ’ എന്ന ഈ ഫോസിൽ ഇത്തരത്തിൽ ലഭിച്ചിട്ടുള്ള പൂർണ്ണരൂപത്തിലുള്ള ടൈറനോസോറസ് റെക്സ് ഫോസിലുകളിൽ ഏറ്റവും മികച്ച അഞ്ച് ഫോസിലുകളിലൊന്നാണ്. 67 ദശലക്ഷം വർഷം പഴക്കമുള്ളതാണ് നാച്ചുറൽ ഹിസ്റ്ററി മ്യൂസിയം അബുദാബിയിലെത്തുന്ന ഈ ദിനോസർ ഫോസിൽ.
‘സ്റ്റാൻ’ എന്ന ടി-റെക്സ് ഫോസിലിന് പുറമെ, നാച്ചുറൽ ഹിസ്റ്ററി മ്യൂസിയം അബുദാബിയിലെ ശേഖരത്തിൽ ആഗോള പ്രശസ്തി നേടിയ മറ്റു പ്രദർശനങ്ങളും ഉൾപ്പെടുന്നു. 1969-ൽ, 40 വർഷങ്ങൾക്ക് മുമ്പ്, ഓസ്ട്രേലിയയിൽ പ്രസിദ്ധമായി ക്രാഷ്-ലാൻഡ് ചെയ്തതും അതിനുശേഷം ആദ്യകാല സൗരയൂഥത്തെക്കുറിച്ചുള്ള പുതിയ വിവരങ്ങൾ ശാസ്ത്രജ്ഞർക്ക് വെളിപ്പെടുത്തിയതുമായ അസാധാരണമായ മർച്ചിസൺ ഉൽക്കാശിലയുടെ മാതൃക ഇത്തരത്തിലുള്ള ആകർഷണങ്ങളിലൊന്നാണ്.
ഓർഗാനിക് ‘സ്റ്റാർഡസ്റ്റ്’ സംയുക്തങ്ങളുടെ ഒരു വലിയ ശ്രേണിയും, 7 ബില്യൺ വർഷങ്ങൾക്ക് മുമ്പ് രൂപംകൊണ്ട സൗരോർജ്ജത്തിന് മുമ്പുള്ള ധാന്യങ്ങളും അടങ്ങിയിരിക്കുന്ന – നമ്മുടെ നിലവിലെ സൗരയൂഥം നിലനിൽക്കുന്നതിന് വളരെ മുമ്പുതന്നെ – ഈ ഉൽക്കാശില ജീവന്റെ നിർമ്മാണ ഘടകങ്ങളെക്കുറിച്ചുള്ള പുരാതന ഉൾക്കാഴ്ച നൽകുന്നു.
നാച്ചുറൽ ഹിസ്റ്ററി മ്യൂസിയം അബുദാബി പദ്ധതിയ്ക്ക് 2022 മാർച്ച് 23-ന് അബുദാബി എക്സിക്യൂട്ടീവ് കൗൺസിൽ അംഗവും, അബുദാബി എക്സിക്യൂട്ടീവ് ഓഫീസ് ചെയർമാനുമായ H.H. ഷെയ്ഖ് ഖാലിദ് ബിൻ മുഹമ്മദ് ബിൻ സായിദ് തുടക്കം കുറിച്ചിരുന്നു. ഭൂമിയുടെ സുസ്ഥിര ഭാവിയിലേക്കുള്ള ചിന്തോദ്ദീപകമായ വീക്ഷണം സന്ദർശകർക്ക് മുന്നിൽ അവതരിപ്പിക്കുന്നതിന് ഈ മ്യൂസിയം ലക്ഷ്യമിടുന്നു.
Cover Image: Abu Dhabi Media Office.
