യു എ ഇ – കുവൈറ്റ് ഉഭയകക്ഷി ബന്ധങ്ങളുടെ ആഘോഷത്തിന്റെ ഭാഗമായി ദുബായിലെത്തുന്ന യാത്രികരുടെ പാസ്പോർട്ടിൽ പ്രത്യേക സ്റ്റാമ്പ് പതിപ്പിച്ച് കൊണ്ട് ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് (GDRFA) സ്വാഗതം ചെയ്തു.
GDRFA Dubai is implementing symbolic initiatives at Dubai’s airports that embody the spirit of the “UAE and Kuwait: Brothers Forever” occasion and enhance human interaction. Arriving passengers are welcomed with a special stamp bearing the slogan “UAE and Kuwait: Brothers… pic.twitter.com/4xfVySt8f0
— Dubai Media Office (@DXBMediaOffice) January 30, 2026
2026 ജനുവരി 30-നാണ് ദുബായ് മീഡിയ ഓഫീസ് ഇക്കാര്യം അറിയിച്ചത്. ‘യുഎഇയും കുവൈറ്റും: സഹോദരന്മാർ എന്നേക്കും’ എന്ന പേരിൽ ഒരാഴ്ച നീളുന്ന രീതിയിൽ സംഘടിപ്പിക്കുന്ന പ്രത്യേക ആഘോഷങ്ങളുടെ ഭാഗമായാണ് ഇത്.
ഇതിന്റെ ഭാഗമായി ദുബായ് വിമാനത്താവളങ്ങളിൽ എത്തുന്ന യാത്രക്കാരുടെ പാസ്സ്പോർട്ടിൽ “യുഎഇയും കുവൈറ്റും: സഹോദരന്മാർ എന്നേക്കും” എന്ന മുദ്രാവാക്യം ഉൾക്കൊള്ളുന്ന പ്രത്യേക സ്റ്റാമ്പ് പതിപ്പിക്കുന്നതിനൊപ്പം വിമാനത്താവളത്തിലെ ആഗമന ഹാളുകൾ കുവൈറ്റ് പതാകയുടെ നിറങ്ങളിൽ അലങ്കരിക്കുകയും ചെയ്തിട്ടുണ്ട്.
Cover Image: Dubai Media Office.
