അൽ വാസിൽ റോഡ് നവീകരിക്കുന്നതിനായി ദുബായ് റോഡ്സ് ആൻഡ് ട്രാൻസ്‌പോർട് അതോറിറ്റി (RTA) ഒരു പദ്ധതി പ്രഖ്യാപിച്ചു. 2025 ജൂൺ 3-നാണ് ദുബായ് RTA ഇത് സംബന്ധിച്ച അറിയിപ്പ് നൽകിയത്.
RTA Announces Integrated Project for Development of Al Wasl Road Spanning 15 km, as Part of a Master Plan Covering Umm Suqeim and Al Safa Streets.@rta_dubai pic.twitter.com/olCCYqpKDh
— Dubai Media Office (@DXBMediaOffice) June 3, 2025
ഉം സുഖീം സ്ട്രീറ്റ്, അൽ സഫ സ്ട്രീറ്റ് എന്നിവയുടെ വികസനത്തിനായുള്ള മാസ്റ്റർ പ്ലാനിന്റെ ഭാഗമാണ് ഈ ഏകീകൃത പദ്ധതി നടപ്പിലാക്കുന്നത്. ഇതിന്റെ ഭാഗമായി അൽ വാസിൽ റോഡിൽ 15 കിലോമീറ്റർ നീളത്തിൽ വികസനപ്രവർത്തനങ്ങൾ നടത്തുന്നതാണ്.
ഇതിന്റെ ഭാഗമായി ആകെ 3850 മീറ്ററിലധികം നീളത്തിൽ അഞ്ച് ടണലുകൾ ഉൾപ്പെടുന്ന ആറ് പ്രധാന ഇന്റർസെക്ഷനുകൾ വികസിപ്പിക്കുന്നതാണ്. അൽ വാസിൽ റോഡ് നിലവിലെ ഇരുവശത്തേക്കും രണ്ട് വരികളിൽ നിന്ന് മൂന്ന് വരിയിലേക്ക് ഉയർത്തുന്നതും ഈ പദ്ധതിയുടെ ഭാഗമാണ്.
അൽ വാസിൽ റോഡ്, ഉം സുഖീം സ്ട്രീറ്റ് എന്നിവയുടെ ഇന്റർസെക്ഷൻ മുതൽ സെക്കന്റ് ഡിസംബർ സ്ട്രീറ്റുമായുള്ള ഇതിന്റെ ജംഗ്ഷൻ വരെയുള്ള 15 കിലോമീറ്റർ മേഖലയിലാണ് ഈ വികസനപ്രവർത്തനങ്ങൾ നടത്തുന്നത്. ഈ മേഖലയിലെ യാത്രാസമയം അമ്പത് ശതമാനം വരെ കുറയ്ക്കുന്നതിനും, ഇരുവശത്തേക്കും മണിക്കൂറിൽ 12000 വാഹനങ്ങൾക്ക് വരെ സഞ്ചരിക്കുന്നതിന് സാധ്യമാക്കുന്നതിനും ഈ പദ്ധതി ലക്ഷ്യമിടുന്നു.
ഇതോടൊപ്പം ഈ മേഖലയിൽ മികച്ച കാൽനട പാതകളും, സൈക്കിൾ ട്രക്കുകളും ഉൾപ്പടെയുള്ള വികസനങ്ങളും ഒരുക്കുന്നതാണ്.
Cover Image: Dubai RTA.
