‘സമ്മർ വിത്തൗട്ട് ആക്സിഡണ്ട്സ്’ എന്ന വാർഷിക പ്രചാരണ പരിപാടിയ്ക്ക് ദുബായിൽ തുടക്കമായി. വേനൽക്കാല റോഡ് സുരക്ഷ ഉറപ്പാക്കുന്നതിന്റെ ഭാഗമായാണ് ഈ പ്രചാരണ പരിപാടി ആരംഭിച്ചിരിക്കുന്നത്.
#هيئة_الطرق_و_المواصلات، ووزارة الداخلية تتعاونان في إطلاق حملة صيفية تهدف إلى تعزيز الالتزام بالقيادة الآمنة والمسؤولة في #دبي.
— RTA (@rta_dubai) July 4, 2025
التزامك بالقوانين والأنظمة المرورية مسؤولية مشتركة. حافظ على مسافة الأمان المناسبة وتجنب السرعة الزائدة والتزم بجميع اللوائح المرورية. لنعمل معاً على… pic.twitter.com/nhnIwI8xhG
2025 ജൂലൈ 4-നാണ് ദുബായ് മീഡിയ ഓഫീസ് ഇക്കാര്യം അറിയിച്ചത്. ദുബായ് പോലീസ്, യു എ ഇ ആഭ്യന്തര മന്ത്രാലയം എന്നിവരുമായി ചേർന്ന് ദുബായ് റോഡ്സ് ആൻഡ് ട്രാൻസ്പോർട് അതോറിറ്റിയാണ് (RTA) ഈ പ്രചാരണ പരിപാടി സംഘടിപ്പിക്കുന്നത്.
ഈ പ്രചാരണ പരിപാടിയുടെ ഭാഗമായി എമിറേറ്റിലുടനീളമുള്ള തെരുവുകളിലും, RTA കസ്റ്റമർ ഹാപ്പിനസ് കേന്ദ്രങ്ങളിലെ ഇലക്ട്രോണിക് സ്ക്രീനുകളിലും, സ്മാർട്ട് ആപ്പുകളിലും, സാമൂഹിക മാധ്യമങ്ങളിലും റോഡ് സുരക്ഷയുമായി ബന്ധപ്പെട്ട ബോധവത്കരണ സന്ദേശങ്ങൾ നൽകുന്നതാണ്.
ഈ വർഷത്തെ ‘സമ്മർ വിത്തൗട്ട് ആക്സിഡണ്ട്സ്’ പ്രചാരണ പരിപാടി സെപ്റ്റംബർ അവസാനം വരെ തുടരും. ഇതിന്റെ ഭാഗമായി വാഹനങ്ങൾ സുരക്ഷിതമായ അകലം പാലിച്ച് കൊണ്ട് ഡ്രൈവ് ചെയ്യാനും, വേഗപരിധി സംബന്ധിച്ച നിബന്ധനകൾ കൃത്യമായി പാലിക്കാനും, റോഡ് നിയമങ്ങൾ അനുസരിക്കാനും അധികൃതർ ആഹ്വാനം ചെയ്തിട്ടുണ്ട്.
Cover Image: Dubai RTA.
