ദുബായ്: അൽ ഖുദ്ര റോഡ് വികസന പദ്ധതിയുടെ ഭാഗമായി പുതിയ പാലം തുറന്നു

അൽ ഖുദ്ര റോഡ് വികസന പദ്ധതിയുടെ ഭാഗമായി 600 മീറ്റർ നീളമുള്ള ഒരു പുതിയ പാലം തുറന്നു കൊടുത്തു.

Dubai’s Roads and Transport Authority (RTA) opens a 600-metre bridge comprising four lanes at the intersection of Al Qudra Road and the link road connecting Arabian Ranches with Dubai Studio City, as part of the main intersections development project along Al Qudra Road. The… pic.twitter.com/pFwdDfA1SG

— Dubai Media Office (@DXBMediaOffice) February 8, 2026

2026 ഫെബ്രുവരി 8-നാണ് ദുബായ് റോഡ്സ് ആൻഡ് ട്രാൻസ്‌പോർട്ട് അതോറിറ്റി ഇക്കാര്യം അറിയിച്ചത്.

നാല്‌ ലെയിനുകളുള്ള ഈ പാലം അൽ ഖുദ്ര റോഡ്, അറേബ്യൻ റാഞ്ചസ് – ദുബായ് സ്റ്റുഡിയോ സിറ്റി ലിങ്ക് റോഡ് എന്നിവയുടെ ഇന്റർസെക്ഷനിലാണ് നിർമ്മിച്ചിട്ടുള്ളത്. അൽ ഖുദ്ര റോഡിലെ പ്രധാന ഇന്റർസെക്ഷനുകളുടെ വികസനവുമായി ബന്ധപ്പെട്ടാണ് ഈ പാലം നിർമ്മിച്ചിരിക്കുന്നത്.

ഈ പാലം അൽ ഖുദ്ര റോഡ്, അറേബ്യൻ റാഞ്ചസ് – ദുബായ് സ്റ്റുഡിയോ സിറ്റി ലിങ്ക് റോഡ് എന്നിവ തമ്മിലുള്ള ഗതാഗതം സുഗമമാക്കുന്നു.

ഇതോടെ ഈ റോഡിലൂടെ മണിക്കൂറിൽ 19200 വാഹനങ്ങൾക്ക് (നേരത്തെ മണിക്കൂറിൽ 6600 വാഹനങ്ങൾ) കടന്ന് പോകാനാകുന്നതാണ്. ഈ റോഡിലെ യാത്രാ സമയം 55% കുറയ്ക്കുന്നതിനും ഈ പാലം സഹായകമാണ്.

അൽ ഖുദ്ര റോഡിന്റെയും ഷെയ്ഖ് സായിദ് ബിൻ ഹംദാൻ അൽ നഹ്യാൻ സ്ട്രീറ്റിന്റെയും ഇന്റർസെക്ഷനിലുള്ള വടക്കൻ പാലം 2026 ഫെബ്രുവരി 15 ന് തുറക്കുമെന്നും RTA അറിയിച്ചിട്ടുണ്ട്. 700 മീറ്റർ നീളമുള്ള ഈ പാലത്തിന് ഇരുവശത്തും രണ്ട് പാതകളുണ്ട്.

Cover Image: Dubai Media Office.