ഷെയ്ഖ് റാഷിദ് റോഡിൽ ഒരു പുതിയ രണ്ട് വരി പാലം തുറന്ന് കൊടുത്തതായി ദുബായ് റോഡ്സ് ആൻഡ് ട്രാൻസ്‌പോർട് അതോറിറ്റി (RTA) അറിയിച്ചു. 2025 ജനുവരി 12-നാണ് RTA ഇത് സംബന്ധിച്ച അറിയിപ്പ് നൽകിയത്.
افتتحت #هيئة_الطرق_و_المواصلات الجسر الثاني ضمن أعمال المرحلة الرابعة من مشروع تطوير محور الشندغة حيث يخدم هذا الجسر الحركة المرورية القادمة من تقاطع شارع الميناء مع شارع الشيخ راشد والمتجهة إلى تقاطع شارع الشيخ خليفة بن زايد مع شارع الشيخ راشد. يبلغ طول الجسر 605 متراً، بسعة… pic.twitter.com/e3BaY0YQ1w
— RTA (@rta_dubai) January 12, 2025
അൽ ഷിന്ദഗാ കോറിഡോർ വികസന പദ്ധതിയുടെ നാലാം ഘട്ടത്തിന്റെ ഭാഗമായാണ് ഈ പാലം നിർമ്മിച്ചിരിക്കുന്നത്.
അൽ മിന സ്ട്രീറ്റ്, ഷെയ്ഖ് റാഷിദ് റോഡ് എന്നിവയുടെ ഇന്റർസെക്ഷൻ മുതൽ ഷെയ്ഖ് ഖലീഫ ബിൻ സായിദ് സ്ട്രീറ്റ് ഷെയ്ഖ് റാഷിദ് റോഡ് എന്നിവയുടെ ഇന്റർസെക്ഷൻ വരെയുള്ള മേഖലയിൽ ട്രാഫിക് സുഗമമാക്കുന്നതിന് ഈ പാലം സഹായകമാണ്.
605 മീറ്റർ നീളത്തിലുള്ള ഈ രണ്ട് വരി പാലത്തിലൂടെ മണിക്കൂറിൽ 3200 വാഹനങ്ങൾക്ക് കടന്ന് പോകാവുന്നതാണ്.
അൽ ഷിന്ദഗാ കോറിഡോർ വികസന പദ്ധതിയുടെ നാലാം ഘട്ടത്തിന്റെ ഭാഗമായി ആകെ 3.1കിലോമീറ്റർ ദൈർഘ്യമുള്ള നാല് പാലങ്ങളാണ് നിർമ്മിക്കുന്നത്. ഇതിലെ ആദ്യ പാലം നേരത്തെ തുറന്ന് കൊടുത്തിരുന്നു. ഈ പദ്ധതിയിൽ ഉൾപ്പെടുത്തി നിർമ്മിച്ചിട്ടുള്ള രണ്ടാമത്തെ പാലമാണ് ഇപ്പോൾ തുറന്ന് കൊടുത്തിട്ടുള്ളത്.
Cover Image: Dubai Media Office.
