നാല്പത്തിമൂന്നാമത് ജിടെക്സ് ഗ്ലോബൽ 2023 ഒക്ടോബർ 16 മുതൽ ആരംഭിക്കും. ദുബായ് വേൾഡ് ട്രേഡ് സെന്ററിൽ വെച്ച് 2023 ഒക്ടോബർ 16 മുതൽ 20 വരെയാണ് ജിടെക്സ് ഗ്ലോബൽ 2023 സംഘടിപ്പിക്കുന്നത്.
ജിടെക്സ് ഗ്ലോബൽ 2023-ൽ നൂറ്റിഎഴുപത് രാജ്യങ്ങളിൽ നിന്നായി അയ്യായിരത്തിൽ പരം കമ്പനികൾ പങ്കെടുക്കുമെന്ന് അധികൃതർ നേരത്തെ അറിയിച്ചിരുന്നു.
സാങ്കേതികവിദ്യകൾ, സ്റ്റാർട്ടപ്പ് എന്നിവയുമായി ബന്ധപ്പെട്ട് എട്ട് പ്രത്യേക പരിപാടികൾ നാല്പത്തിമൂന്നാമത് ജിടെക്സ് ഗ്ലോബലിൽ ഉൾപ്പെടുത്തിയിട്ടുണ്ട്. അഞ്ച് ദിവസം നീണ്ട് നിൽക്കുന്ന ഈ പ്രദർശനത്തിൽ സാങ്കേതികമേഖലയിലെ ആഗോളതലത്തിൽ തന്നെയുള്ള ഏറ്റവും നൂതനമായ സംഭവവികാസങ്ങൾ അവതരിപ്പിക്കുന്നതാണ്.
Cover Image: Dubai Media Office.
