എമിറേറ്റിലെ വാരാന്ത്യദിനങ്ങളിലും, ആഴ്ച്ച തോറുമുള്ള പ്രവർത്തിദിനങ്ങളിലും മാറ്റം വരുത്താനുമുള്ള തീരുമാനത്തിന്റെ പശ്ചാത്തലത്തിൽ ദുബായിലെ ആരോഗ്യ പരിചരണകേന്ദ്രങ്ങളുടെ പുതുക്കിയ പ്രവർത്തന സമയം സംബന്ധിച്ച് ദുബായ് ഹെൽത്ത് അതോറിറ്റി (DHA) അറിയിപ്പ് പുറത്തിറക്കി. എമിറേറ്റ്സ് ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.
ഈ അറിയിപ്പ് പ്രകാരം, DHA ആസ്ഥാനത്തെ അഡ്മിനിസ്ട്രേറ്റീവ് ജീവനക്കാർക്ക് തിങ്കൾ മുതൽ വ്യാഴം വരെയുള്ള പ്രവൃത്തിദിവസങ്ങളിൽ രാവിലെ 7:30 മുതൽ വൈകിട്ട് 3:30 വരെയും വെള്ളിയാഴ്ച രാവിലെ 7:30 മുതൽ ഉച്ചയ്ക്ക് 12 വരെയുമായിരിക്കും പ്രവൃത്തി സമയം.
ആശുപത്രികളുടെ പ്രവർത്തന സമയക്രമം:
ആശുപത്രികളിലെ അത്യാഹിത വിഭാഗങ്ങൾ എല്ലാ ദിവസവും മുഴുവൻ സമയവും പ്രവർത്തിക്കുന്നതാണ്. അതേസമയം റാഷിദ് ഹോസ്പിറ്റലിലെയും, ദുബായ് ഹോസ്പിറ്റലിലെയും പ്രത്യേക ക്ലിനിക്കുകളിൽ ജോലി സമയം രാവിലെ 7:30 മുതൽ രാത്രി 10:00 വരെ ആയിരിക്കും (ജീവനക്കാർ ഷിഫ്റ്റ് സമയങ്ങളിൽ പ്രവർത്തിക്കുന്നതാണ്). റാഷിദ് ഹോസ്പിറ്റലിൽ രോഗികളുടെ സന്ദർശന സമയം വൈകുന്നേരം 5 മുതൽ 6 വരെ ആയിരിക്കും, ദുബായ് ഹോസ്പിറ്റലിൽ ഇത് വൈകുന്നേരം 4 മുതൽ 8 വരെ ആയിരിക്കും.
ലത്തീഫ ആശുപത്രിയിൽ തിങ്കൾ മുതൽ വ്യാഴം വരെ രാവിലെ 8 മുതൽ വൈകിട്ട് 3 വരെ ഔട്ട്പേഷ്യന്റ് ക്ലിനിക്കുകൾ പ്രവർത്തിക്കും. വെള്ളിയാഴ്ച രാവിലെ 8 മുതൽ രാത്രി 11.30 വരെ ക്ലിനിക്കുകൾ പ്രവർത്തിക്കും. രോഗികളുടെ സന്ദർശന സമയം രണ്ട് ഷിഫ്റ്റുകളിലായിരിക്കും: രാവിലെ 10 മുതൽ ഉച്ചയ്ക്ക് 1 വരെയും വൈകിട്ട് 7 മുതൽ 8 വരെയും.
ഹത്ത ഹോസ്പിറ്റലിൽ, ഔട്ട്പേഷ്യന്റ് ക്ലിനിക്കിന്റെ സമയം തിങ്കൾ മുതൽ വ്യാഴം വരെ രാവിലെ 7:30 മുതൽ 2:30 വരെയും വെള്ളിയാഴ്ച ഉച്ചയ്ക്ക് 2 മുതൽ രാത്രി 9 വരെയുമാണ്. രോഗികളുടെ സന്ദർശന സമയം ഉച്ച വരെയും പിന്നീട് വൈകിട്ട് 4 മുതൽ രാത്രി 8 വരെയുമാണ്. വെള്ളിയാഴ്ച ഉച്ചയ്ക്ക് 2 മുതൽ രാത്രി 9 വരെയുമാണ് സന്ദർശന സമയം.
പ്രാഥമികാരോഗ്യ കേന്ദ്രങ്ങളുടെ പ്രവർത്തന സമയക്രമം:
പ്രാഥമികാരോഗ്യ കേന്ദ്രങ്ങളുടെ പുതിയ പ്രവർത്തന സമയവും അതോറിറ്റി പ്രഖ്യാപിച്ചിട്ടുണ്ട്. ഈ അറിയിപ്പ് പ്രകാരം, നാദ് അൽ ഹമർ, അൽ ബർഷ, അൽ ഖവാനീജ്, അൽ ബിദ, ദുബായ് എയർപോർട്ട് ഹെൽത്ത് സെന്റർ എന്നിവ 24 മണിക്കൂറും പ്രവർത്തിക്കുന്നതാണ്.
മറ്റ് പ്രാഥമികാരോഗ്യ കേന്ദ്രങ്ങൾ തിങ്കൾ മുതൽ വ്യാഴം വരെ രാവിലെ 7:30 മുതൽ രാത്രി 10:00 വരെയും വെള്ളിയാഴ്ച രാവിലെ 7:30 മുതൽ 12:00 വരെയും പ്രവർത്തിക്കും. അൽ ലിസൈലി ഹെൽത്ത് സെന്റർ, അൽ മിസാർ ഹെൽത്ത് സെന്റർ, അബു ഹെൽ ഹെൽത്ത് സെന്റർ എന്നിവ ഞായറാഴ്ചകളിൽ രാവിലെ 8 മുതൽ ഉച്ചയ്ക്ക് 2.30 വരെ പ്രവർത്തിക്കും.
പ്രത്യേക ആരോഗ്യ കേന്ദ്രങ്ങളുടെ പ്രവർത്തന സമയക്രമം:
ദുബായ് ഡയബറ്റിസ് സെന്റർ, ദുബായ് സെന്റർ ഫോർ കോംപ്ലിമെന്ററി മെഡിസിൻ, ദുബായ് കോർഡ് ബ്ലഡ് ആൻഡ് റിസർച്ച് സെന്റർ, സീനിയർ സിറ്റിസൺസ് ഹാപ്പിനസ് സെന്റർ എന്നിവ ഞായറാഴ്ച മുതൽ വ്യാഴം വരെ രാവിലെ 7:30 മുതൽ വൈകിട്ട് 3:30 വരെ പ്രവർത്തിക്കും. വെള്ളിയാഴ്ചകളിൽ ഈ കേന്ദ്രങ്ങൾ രാവിലെ 7.30 മുതൽ ഉച്ചയ്ക്ക് 12.00 വരെ പ്രവർത്തിക്കുന്നതാണ്.
കിടപ്പുരോഗികൾക്കുള്ള ദുബായ് തലസീമിയ സെന്ററിന്റെ പ്രവർത്തന സമയം തിങ്കൾ മുതൽ വ്യാഴം വരെ രാവിലെ 7:00 മുതൽ രാത്രി 9:30 വരെ ആയിരിക്കും. വെള്ളിയാഴ്ചകളിൽ കേന്ദ്രം രാവിലെ 8:00 മുതൽ രാത്രി 8:30 വരെ പ്രവർത്തിക്കുന്നതാണ്. ഔട്ട്‌പേഷ്യന്റ്‌സിനായി തിങ്കൾ മുതൽ വ്യാഴം വരെ രാവിലെ 7:30 മുതൽ ഉച്ചയ്ക്ക് 2:30 വരെയും വെള്ളിയാഴ്ച രാവിലെ 8:00 മുതൽ ഉച്ചയ്ക്ക് 12:30 വരെയും ഈ കേന്ദ്രം പ്രവർത്തിക്കുന്നതാണ്.
ദുബായ് ഫെർട്ടിലിറ്റി സെന്ററിന്റെ പ്രവർത്തന സമയം തിങ്കൾ മുതൽ വ്യാഴം വരെ രാവിലെ 7:30 മുതൽ 3:30 വരെയും വെള്ളിയാഴ്ച രാവിലെ 7:30 മുതൽ ഉച്ചയ്ക്ക് 12:00 വരെയും ആയിരിക്കും, വാരാന്ത്യങ്ങളിൽ അപ്പോയിന്റ്മെന്റ് അടിസ്ഥാനത്തിൽ രാവിലെ 10 മുതൽ ഉച്ചവരെ ഈ കേന്ദ്രം പ്രവർത്തിക്കുന്നതാണ്.
ദുബായ് സെന്റർ ഫോർ ഫിസിയോതെറാപ്പി ആൻഡ് റീഹാബിലിറ്റേഷൻ തിങ്കൾ മുതൽ വെള്ളി വരെ രാവിലെ 7:30 മുതൽ വൈകിട്ട് 6:00 വരെ പ്രവർത്തിക്കും. ഞായറാഴ്ചകളിൽ കേന്ദ്രം രാവിലെ 9.30 മുതൽ വൈകിട്ട് 7.30 വരെ പ്രവർത്തിക്കും. ദുബായ് ബ്ലഡ് ഡൊണേഷൻ സെന്റർ രാവിലെ 7 മുതൽ രാത്രി 8.30 വരെ പ്രവർത്തിക്കുന്നതാണ്.
മെഡിക്കൽ ഫിറ്റ്നസ് സെന്ററുകളുടെ പ്രവർത്തന സമയക്രമം:
റാഷിദിയ, അൽ കരാമ, സലേം സ്മാർട്ട് സെന്റർ എന്നീ മെഡിക്കൽ ഫിറ്റ്നസ് സെന്ററുകൾ തിങ്കൾ മുതൽ വ്യാഴം വരെ രാവിലെ 7:00 മുതൽ രാത്രി 10:00 വരെയും വെള്ളിയാഴ്ച രാവിലെ 7:30 മുതൽ ഉച്ചവരെയും പ്രവർത്തിക്കുന്നതാണ്. അൽഖൂസ്, ബർ ദുബായ്, അൽ നഹ്ദ, അൽ ഗർഹൂദ്, അൽ യലായസ് സെന്ററുകൾ തിങ്കൾ മുതൽ വ്യാഴം വരെ രാവിലെ 7:00 മുതൽ രാത്രി 10:00 വരെ പ്രവർത്തിക്കും. വെള്ളിയാഴ്ച രാവിലെ 7:30 മുതൽ 12:00 വരെയും വൈകിട്ട് 4 മുതൽ രാത്രി 8:30 വരെയും രണ്ട് ഷിഫ്റ്റുകളിലായാണ് കേന്ദ്രങ്ങൾ പ്രവർത്തിക്കുക.
അൽ ലിസൈലി, എമിറേറ്റ്സ് എയർലൈൻസ്, DAFZA, നോളജ് വില്ലേജ് സെന്റർ എന്നിവ തിങ്കൾ മുതൽ വ്യാഴം വരെ രാവിലെ 7:30 മുതൽ വൈകിട്ട് 3:30 വരെ പ്രവർത്തിക്കും. വെള്ളിയാഴ്ചകളിൽ രാവിലെ 7.30 മുതൽ ഉച്ചയ്ക്ക് 12 വരെയായിരിക്കും പ്രവർത്തന സമയം.
JAFZA, ദുബായ് ഇന്റർനാഷണൽ ഫൈനാൻഷ്യൽ സെന്റർ, എമിറേറ്റ്സ് സെന്റർ എന്നിവ തിങ്കൾ മുതൽ വ്യാഴം വരെ രാവിലെ 8:00 മുതൽ വൈകിട്ട് 4:00 വരെയും വെള്ളിയാഴ്ച രാവിലെ 8:00 മുതൽ 12:30 വരെയും തുറന്നിരിക്കും. സബീൽ സെന്റർ, തിങ്കൾ മുതൽ വ്യാഴം വരെ രാവിലെ 7:30 മുതൽ രാത്രി 10:00 വരെയും വെള്ളിയാഴ്ച രാവിലെ 7:30 മുതൽ 12:00 വരെയും പ്രവർത്തിക്കുന്നതാണ്.
ലാൻഡ് ഡിപ്പാർട്ട്‌മെന്റ് സെന്റർ തിങ്കൾ, ബുധൻ, വ്യാഴം ദിവസങ്ങളിൽ രാവിലെ 7:30 മുതൽ വൈകിട്ട് 3:30 വരെ തുറന്നിരിക്കും, അൽ മുഹൈസ്‌ന സെന്ററിലെ പ്രവർത്തന സമയം ഞായർ മുതൽ വ്യാഴം വരെ രാപകലില്ലാതെ ആയിരിക്കും. വെള്ളിയാഴ്ച്ചകളിൽ രാവിലെ 7:00 മുതൽ രാത്രി 11:00 വരെ; ഉച്ചയ്ക്ക് 1 മുതൽ 2 വരെ പ്രാർത്ഥനാ ഇടവേള.
COVID-19 പരിശോധനാ കേന്ദ്രങ്ങളുടെ പ്രവർത്തന സമയം:
അൽ നാസർ ക്ലബ് സെന്റർ പ്രവൃത്തിദിവസങ്ങളിൽ രാവിലെ 7:30 മുതൽ വൈകിട്ട് 3:30 വരെയും മാൾ ഓഫ് എമിറേറ്റ്സ് സെന്റർ എല്ലാ ദിവസവും രാവിലെ 10 മുതൽ വൈകിട്ട് 6 വരെയും പ്രവർത്തിക്കുന്നതാണ്.
WAM
