രാജ്യത്തെ റോഡുകളിൽ വെച്ച് വാഹനങ്ങൾ തകരാറിലാകുന്ന സാഹചര്യത്തിൽ പാലിക്കേണ്ട സുരക്ഷാ മാർഗ്ഗനിർദ്ദേശങ്ങൾ സംബന്ധിച്ച് കുവൈറ്റ് അധികൃതർ അറിയിപ്പ് നൽകി. 2026 ജൂലൈ 11-നാണ് കുവൈറ്റ് പൊതു ഗതാഗത വകുപ്പ് ഇത് സംബന്ധിച്ച അറിയിപ്പ് നൽകിയത്.
الإدارة العامة للمرور توجّه إرشادات السلامة عند تعطل المركبة على الطريق
— الإدارة العامة للمرور (@traffic_kwt) July 11, 2026
تؤكد الإدارة العامة للمرور أن سلامة مستخدمي الطرق تأتي في مقدمة أولوياتها، وانطلاقاً من حرصها على تعزيز السلامة المرورية والحد من المخاطر الناتجة عن تعطل المركبات، تدعو قائدي المركبات إلى الالتزام بالإرشادات… pic.twitter.com/0LUKtB1vsR
റോഡ് ഉപയോക്താക്കളുടെ സംരക്ഷണം തങ്ങളുടെ പ്രധാന മുൻഗണനകളിൽ ഒന്നാണെന്ന് ഊന്നിപ്പറഞ്ഞ് കൊണ്ടാണ് കുവൈറ്റ് പൊതു ഗതാഗത വകുപ്പ് ഈ അറിയിപ്പ് നൽകിയിരിക്കുന്നത്.
റോഡിൽ തകരാറിലാകുന്ന വാഹനങ്ങളുമായി ബന്ധപ്പെട്ട സുരക്ഷാ മാർഗ്ഗനിർദ്ദേശങ്ങൾ:
- ഇത്തരം സാഹചര്യങ്ങളിൽ സാധ്യമാകുമ്പോഴെല്ലാം, വാഹനം റോഡിന്റെ ഏറ്റവും വലതുവശത്ത്, ഗതാഗത പ്രവാഹത്തിൽ നിന്ന് മാറ്റി നിർത്തേണ്ടതാണ്.
- വാഹനം തകരാറിലാണെന്ന വിവരം മറ്റ് റോഡ് ഉപയോക്താക്കളെ അറിയിക്കുന്നതിനായി ഉടൻ തന്നെ വാഹനത്തിന്റെ ഹസാർഡ് ലൈറ്റുകൾ (ഫ്ലാഷറുകൾ) പ്രവർത്തിപ്പിക്കുക.
- അടുത്തുവരുന്ന വാഹനങ്ങൾക്ക് ആവശ്യമായ നടപടികൾ സ്വീകരിക്കാൻ മതിയായ ഇടം ലഭിക്കുന്ന രീതിയിൽ കേടായ വാഹനത്തിന് പിന്നിൽ വാണിങ് ട്രയാംഗിൾ 100 മീറ്ററിൽ കുറയാത്ത അകലത്തിൽ സ്ഥാപിക്കുക.
- സ്ഥലം കൃത്യമായി വ്യക്തമാക്കിക്കൊണ്ട് സഹായത്തിനായി അടിയന്തര നമ്പറായ 112-ൽ വിളിക്കുക.
വാഹന ഡ്രൈവർമാർ പതിവായി വാഹന അറ്റകുറ്റപ്പണികൾ നടത്തണമെന്നും ടയറുകളുടെയും വായു മർദ്ദത്തിന്റെയും സുരക്ഷ ഉറപ്പാക്കണമെന്നും കുവൈറ്റ് പൊതു ഗതാഗത വകുപ്പ് അറിയിച്ചിട്ടുണ്ട്.
