രാജ്യത്തെ സ്വകാര്യ ആശുപത്രികളിൽ 10 ദിനാറിന് മുകളിലുള്ള പണമിടപാടുകൾക്ക് കുവൈറ്റ് നിരോധനം ഏർപ്പെടുത്തി. 2026 ജൂലൈ 13-നാണ് കുവൈറ്റ് മിനിസ്ട്രി ഓഫ് കോമേഴ്സ് ആൻഡ് ഇൻഡസ്ട്രി ഇക്കാര്യം അറിയിച്ചത്.
القرار الوزاري رقم (110) لسنة 2026 بشأن منع التعاملات النقدية للشركات لبعض الأنشطة #تنظيم
— وزارة التجـارة والصنـاعة (@mocikw) July 13, 2026
#MOCI #وزارة_التجارة_والصناعة_الكويت#الكويت pic.twitter.com/ZkbeGfRVum
ഈ അറിയിപ്പ് പ്രകാരം കുവൈറ്റിൽ 10 ദിനാറിൽ കൂടുതലുള്ള തുകകൾ പണമായി സ്വീകരിക്കുന്നതിൽ നിന്ന് സ്വകാര്യ ആശുപത്രികളെ വിലക്കിയിട്ടുണ്ട്. ഇതിൽ കൂടുതൽ മൂല്യമുള്ള ഇടപാടുകൾ സെൻട്രൽ ബാങ്ക് ഓഫ് കുവൈറ്റ് അംഗീകരിച്ച ബാങ്കിംഗ്, ഇലക്ട്രോണിക് പേയ്മെന്റ് സംവിധാനങ്ങൾ വഴി, അതിന്റെ ചട്ടങ്ങൾ പാലിച്ച് കൊണ്ട് നടത്തണമെന്ന് മന്ത്രാലയം വ്യക്തമാക്കിയിട്ടുണ്ട്.
‘2026/110’ എന്ന ഔദ്യോഗിക ഉത്തരവ് പ്രകാരമുള്ള ഈ നിരോധനം ആശുപത്രികൾ, മെഡിക്കൽ സെന്ററുകൾ, ക്ലിനിക്കുകൾ, ഹോം ഹെൽത്ത് കെയർ പ്രൊവൈഡർമാർ, മറ്റ് ലൈസൻസുള്ള മെഡിക്കൽ സ്ഥാപനങ്ങൾ എന്നിവയുൾപ്പെടെ കുവൈറ്റ് ആരോഗ്യ മന്ത്രാലയത്തിന്റെ ലൈസൻസുള്ള എല്ലാ സ്വകാര്യ ആരോഗ്യ സംരക്ഷണ കേന്ദ്രങ്ങൾക്കും ബാധകമാണ്. ഇതിൽ വീഴ്ച വരുത്തുന്ന സ്ഥാപനങ്ങൾക്ക് പിഴകൾ ചുമത്തുമെന്നും, ബാധകമായ മറ്റ് നിയമ നടപടികൾക്ക് പുറമേ, കുറ്റകരമായ സ്ഥാപനങ്ങൾ അടച്ചുപൂട്ടുകയും തുടർ നിയമനടപടികൾക്കായി യോഗ്യതയുള്ള അന്വേഷണ അധികാരികൾക്ക് റഫർ ചെയ്യുകയും ചെയ്യുമെന്നും മന്ത്രാലയം വ്യക്തമാക്കിയിട്ടുണ്ട്.
