യു എ ഇയിൽ 557 പേർക്ക് കൂടി കൊറോണ വൈറസ് ബാധ സ്ഥിരീകരിച്ചതായി ആരോഗ്യ മന്ത്രാലയം മെയ് 1, വെള്ളിയാഴ്ച്ച അറിയിച്ചു. ഇതോടെ രാജ്യത്ത് ആകെ COVID-19 ബാധിച്ചവരുടെ എണ്ണം 13038 ആയി.
114 പേർ കൂടി ഇന്ന് രോഗമുക്തി നേടിയതായി മന്ത്രാലയം വ്യക്തമാക്കി. ഇതുവരെ 2543 പേർ യു എ ഇയിൽ രോഗമുക്തി നേടിയിട്ടുണ്ട്.
കൊറോണ വൈറസ് ബാധയെത്തുടർന്ന് ചികിത്സയിലിരുന്ന 6 പേർ കൂടി മരിച്ചതായും മന്ത്രാലയം ഇന്ന് അറിയിച്ചിട്ടുണ്ട്. ഇതുവരെ 111 പേരാണ് യു എ ഇയിൽ COVID-19 നെ തുടർന്ന് മരിച്ചത്.
