രാജ്യത്തെ ബാങ്കിങ് സംവിധാനങ്ങൾ ഹാക്ക് ചെയ്യപ്പെട്ടതായുള്ള രീതിയിൽ പ്രചരിക്കുന്ന വാർത്തകൾ വ്യാജമാണെന്ന് സെൻട്രൽ ബാങ്ക് ഓഫ് ഒമാൻ (CBO) വ്യക്തമാക്കി.
تنبيه من #البنك_المركزي_العماني حول المعلومات المتداولة المغلوطة عن الأنظمة البنكية | ⚠️ pic.twitter.com/ne8Ajed4iq
— البنك المركزي العماني (@CentralBank_OM) April 7, 2025
ബാങ്കിങ് സംവിധാനങ്ങളിലെ സുരക്ഷാ വീഴ്ച സംബന്ധിച്ച അവകാശവാദങ്ങൾ തള്ളിക്കൊണ്ടാണ് CBO ഒരു പ്രസ്താവന പുറത്തിറക്കിയത്.
ഒമാനിലെ ബാങ്കുകളുടെ ഇലക്ട്രോണിക് സംവിധാനങ്ങളിൽ സുരക്ഷാ വീഴ്ച ഉണ്ടായതായി പ്രചരിക്കുന്ന വാർത്തകൾ തികച്ചും വാസ്തവവിരുദ്ധമാണെന്ന് CBO ഈ പ്രസ്താവനയിലൂടെ ചൂണ്ടിക്കാട്ടിയിട്ടുണ്ട്. ഒമാനിലെ എല്ലാ ബാങ്കിങ് സംവിധാനങ്ങളും സുരക്ഷിതമായി പ്രവർത്തിക്കുന്നതായും, സുരക്ഷാ വീഴ്ചകൾ റിപ്പോർട്ട് ചെയ്യപ്പെട്ടിട്ടില്ലെന്നും, സേവനങ്ങളിൽ തടസം നേരിട്ടിട്ടില്ലെന്നും CBO കൂട്ടിച്ചേർത്തു.
