ദുബായ്: അൽ മൻഖൂൽ മേഖലയിലെ മൂന്ന് സ്ട്രീറ്റുകളിലെ ട്രാഫിക് പുനഃക്രമീകരണം പൂർത്തിയാക്കി

അൽ മൻഖൂൽ മേഖലയിലെ മൂന്ന് പ്രധാന സ്ട്രീറ്റുകളിലെ ട്രാഫിക് പുനഃക്രമീകരണം പൂർത്തിയാക്കിയതായി ദുബായ് റോഡ്സ് ആൻഡ് ട്രാൻസ്‌പോർട് അതോറിറ്റി (RTA) അറിയിച്ചു. 2024 ജൂൺ 25-നാണ് ദുബായ് RTA ഇത് സംബന്ധിച്ച അറിയിപ്പ് നൽകിയത്.

Dubai's #RTA has completed traffic improvement works on three main streets in Al Mankhool. This project, which includes modifications at the intersections of Kuwait Street, 12A Street, and 10C Street, is part of RTA's ongoing efforts to upgrade the infrastructure of roads across… pic.twitter.com/OU5VdHrcxx

— RTA (@rta_dubai) June 25, 2024

ഇതിന്റെ ഭാഗമായി കുവൈറ്റ് സ്ട്രീറ്റ്, 12A സ്ട്രീറ്റ്, 10C സ്ട്രീറ്റ് എന്നിവിടങ്ങളിലെ ഇന്റർസെക്ഷനുകൾ നവീകരിച്ചിട്ടുണ്ട്.

ഈ സ്ട്രീറ്റുകളിലെ ഗതാഗത കുരുക്ക് തടയുന്നതിനും, യാത്രകളിൽ അനുഭവപ്പെടുന്ന കാലതാമസം ഒഴിവാക്കുന്നതിനും ലക്ഷ്യമിട്ടാണിത്.

“അൽ മൻഖൂൽ മേഖലയിൽ വലിയ ഗതാഗതത്തിരക്ക് വളരെ സാധാരണയായി അനുഭവപ്പെടാറുള്ളതാണ്. ഈ മേഖലയിൽ ട്രാഫിക് കൂടുതൽ സുഗമമാക്കുന്നതിനായി RTA ഏതാനം മാറ്റങ്ങൾ വരുത്തിയിട്ടുണ്ട്. കുവൈറ്റ് സ്ട്രീറ്റ്, 10C സ്ട്രീറ്റ് എന്നിവിടങ്ങളിലെ ജംഗ്ഷനുകളിൽ ഉണ്ടായിരുന്ന റൈറ്റ്-ഇൻ, റൈറ്റ്-ഔട്ട് ലെയിനുകളുടെ എണ്ണം രണ്ടിൽ നിന്ന് ഒന്നാക്കി ചുരുക്കുന്നതും, 10C സ്ട്രീറ്റിൽ ഒരു യു-ടേൺ അനുവദിക്കുന്നതും ഉൾപ്പടെയുള്ള നവീകരണങ്ങൾ ഇതിൽ ഉൾപ്പെടുന്നു.”, RTA ട്രാഫിക് ആൻഡ് റോഡ്സ് ഏജൻസി സി ഇ ഓ ഹുസൈൻ അൽ ബന്ന അറിയിച്ചു.

Cover Image: Dubai RTA.