എമിറേറ്റിൽ വരും മാസങ്ങളിൽ ഡ്രൈവറില്ലാത്ത കൂടുതൽ ടാക്‌സി വാഹനങ്ങൾ പരീക്ഷണാടിസ്ഥാനത്തിൽ അവതരിപ്പിക്കുന്നതിനുളള ധാരണാപത്രത്തിൽ ദുബായ് റോഡ്സ് ആൻഡ് ട്രാൻസ്‌പോർട്ട് അതോറിറ്റി (RTA) ഒപ്പ് വെച്ചു. 2025 ജൂൺ 15-നാണ് ദുബായ് മീഡിയ ഓഫീസ് ഇത് സംബന്ധിച്ച അറിയിപ്പ് നൽകിയത്.
Dubai’s Roads and Transport Authority signs a Memorandum of Understanding with Uber Technologies, Inc, the world’s leading technology platform for mobility and delivery, and WeRide, a global leader in autonomous driving technology. Under the agreement, pilot operations of… pic.twitter.com/HHT1NEZP7B
— Dubai Media Office (@DXBMediaOffice) June 15, 2025
ഇതിനായി യൂബർ ടെക്‌നോളജീസ്‌, വീറൈഡ് എന്നീ കമ്പനികളുമായാണ് RTA കരാറിൽ ഏർപ്പെട്ടിരിക്കുന്നത്.
ഈ കരാറിന്റെ അടിസ്ഥാനത്തിൽ ഡ്രൈവറില്ലാത്ത ടാക്‌സി വാഹനങ്ങളുടെ പരീക്ഷണാടിസ്ഥാനത്തിലുള്ള പ്രവർത്തനങ്ങൾ എമിറേറ്റിൽ ഈ വർഷം തന്നെ നടക്കുന്നതാണ്. ഇതിന്റെ വാണിജ്യാടിസ്ഥാനത്തിലുള്ള പ്രവർത്തനങ്ങൾ 2026-ൽ ഔദ്യോഗികമായി നടപ്പിലാക്കുമെന്നാണ് പ്രതീക്ഷിക്കുന്നത്.
പരീക്ഷണാടിസ്ഥാനത്തിലുള്ള പ്രവർത്തനങ്ങളുടെ ആദ്യ ഘട്ടത്തിൽ ഇത്തരം ഡ്രൈവറില്ലാത്ത ടാക്‌സി വാഹനങ്ങൾ യൂബർ ആപ്പിലൂടെ ലഭ്യമാകുന്നതാണ്. ആദ്യ ഘട്ടത്തിൽ സുരക്ഷ ഉറപ്പ് വരുത്തുന്നതിനായി ഒരു സേഫ്റ്റി ഡ്രൈവറെ ഉൾപ്പെടുത്തിയായിരിക്കും പരീക്ഷണാടിസ്ഥാനത്തിൽ ഇവ ഓടിക്കുന്നത്.
2026-ഓടെ ദുബായിൽ റോബോടാക്സി സേവനങ്ങൾ പൂർണ്ണസജ്ജമായി പ്രവർത്തനമാരംഭിക്കുന്നതിനാണ് ലക്ഷ്യമിടുന്നത്.
Cover Image: Dubai Media Office.
