രാജ്യത്തെ ഐസ്ക്രീം കടകൾക്ക് പുതിയ ഭക്ഷ്യസുരക്ഷാ ചട്ടങ്ങൾ ബാധകമാക്കുന്നതായി സൗദി അധികൃതർ അറിയിച്ചു. 2026 ഒക്ടോബർ 4-നാണ് സൗദി മുനിസിപ്പാലിറ്റി-ഭവന മന്ത്രാലയം ഇത് സംബന്ധിച്ച അറിയിപ്പ് നൽകിയത്.
لضمان أعلى معايير الجودة وسلامة المستهلك، أطلقت #وزارة_البلديات_والإسكان التحديثات الجديدة لاشتراطات محلات المثلجات. #لأنها_بلدي للاطلاع على الاشتراطات : https://t.co/KV4MN4RBLE https://t.co/gk3sg09Kqp
— وزارة البلديات والإسكان (@Momah_SA) October 4, 2026
ഐസ്ക്രീം കടകളുടെ പ്രവർത്തനം ക്രമീകരിക്കുന്നതിനും, ഭക്ഷ്യസുരക്ഷാ മാനദണ്ഡങ്ങൾ നിശ്ചയിക്കുന്നതിനും, നിക്ഷേപകർക്ക് ആവശ്യമായ വിവരങ്ങൾ വ്യക്തമാക്കുന്നതിനും, സേവന നിലവാരം മെച്ചപ്പെടുത്തുന്നതിനും ലക്ഷ്യമിട്ടാണ് ഈ നടപടി. ഇതിനായി സൗദി മുനിസിപ്പാലിറ്റി-ഭവന മന്ത്രാലയം ഇതുമായി ബന്ധപ്പെട്ട ചട്ടങ്ങൾ പരിഷ്കരിച്ചിട്ടുണ്ട്.
ഐസ്ക്രീം ഉൽപ്പന്നങ്ങൾ സ്വീകരിക്കുന്നത് മുതൽ സംഭരണം, തയ്യാറാക്കൽ, വിളമ്പൽ വരെയുള്ള ഘട്ടങ്ങളിലെ ഭക്ഷ്യസുരക്ഷയെ ഉൾക്കൊള്ളുന്ന രീതിയിലാണ് ഈ ചട്ടങ്ങൾ പരിഷ്കരിച്ചിരിക്കുന്നത്. ഇതിൽ താപനില നിയന്ത്രണം, അലർജി ഉണ്ടാക്കുന്ന ഘടകങ്ങളെക്കുറിച്ചുള്ള വിവരങ്ങൾ വെളിപ്പെടുത്തൽ, ശുചിത്വ-അണുനശീകരണ നടപടികൾ തുടങ്ങിയവ ഉൾപ്പെടുന്നു.
ഇത്തരം സ്ഥാപനങ്ങളിലെ ജീവനക്കാർ ആരോഗ്യ സർട്ടിഫിക്കറ്റുകൾ നേടുക, വ്യക്തിശുചിത്വം പാലിക്കുക, സംരക്ഷണ വസ്ത്രങ്ങൾ ധരിക്കുക, ഭക്ഷ്യസുരക്ഷാ മാനദണ്ഡങ്ങൾ പിന്തുടരുക തുടങ്ങിയ വ്യവസ്ഥകളും ഈ പുതിയ ചട്ടങ്ങളിൽ നിർബന്ധമാക്കിയിട്ടുണ്ട്. ഇതിന് പുറമെ, ഐസ്ക്രീം കടകൾ നിർബന്ധമായും ഇലക്ട്രോണിക് പേയ്‌മെന്റ് സംവിധാനങ്ങൾ ഒരുക്കുകയും അംഗീകൃത നിലവാരത്തിലുള്ള ക്യുആർ കോഡുകൾ ഉപയോഗിക്കുകയും ചെയ്യേണ്ടതാണെന്നും മന്ത്രാലയം അറിയിച്ചിട്ടുണ്ട്.
Cover Image: Pixabay.
