ഇന്ത്യയിൽ നിന്ന് യു എ ഇയിലേക്കുള്ള തങ്ങളുടെ വിമാനസർവീസുകൾ ഇനി ഒരു അറിയിപ്പുണ്ടാകുന്നത് വരെ നിർത്തിവെച്ചതായി എമിറേറ്റ്സ് എയർലൈൻ വ്യക്തമാക്കി. എമിറേറ്റ്സ് വെബ്‌സൈറ്റിൽ നൽകിയിട്ടുള്ള യാത്രാ നിബന്ധനകളിലൂടെയാണ് ജൂലൈ 2-ന് വൈകീട്ട് എയർലൈൻ ഇക്കാര്യം അറിയിച്ചത്.
https://www.emirates.com/ae/english/help/travel-updates/#4424 എന്ന വിലാസത്തിൽ ഈ അറിയിപ്പ് ലഭ്യമാണ്. “ഇനി ഒരു അറിയിപ്പുണ്ടാകുന്നത് വരെ ഇന്ത്യയിൽ നിന്നുള്ള എമിറേറ്റ്സിന്റെ മുഴുവൻ യാത്രാ വിമാനസർവീസുകളും നിർത്തിവെച്ചിരിക്കുന്നു. ഇതിനുപുറമെ,14 ദിവസങ്ങൾക്കിടയിൽ ഇന്ത്യ സന്ദർശിച്ചിട്ടുള്ള യാത്രികർക്ക് മറ്റിടങ്ങളിൽ നിന്ന് യു എ ഇയിലേക്ക് ഞങ്ങൾ യാത്രാ സേവനങ്ങൾ അനുവദിക്കുന്നതല്ല.”, എമിറേറ്റ്സ് വ്യക്തമാക്കി.
യു എ ഇ പൗരന്മാർ, ഗോൾഡൻ വിസ ഉടമകൾ, നയതന്ത്ര ഉദ്യോഗസ്ഥർ എന്നിവർക്ക് കർശനമായ നിബന്ധനകളോടെ യാത്രാനുമതി നൽകാവുന്നതാണെന്നും എമിറേറ്റ്സ് കൂട്ടിച്ചേർത്തു.
