കൊറോണാ വൈറസ് പ്രതിരോധം ശക്തമാക്കുന്നതിന്റെ ഭാഗമായി നഗരത്തിലെ പൊതുപാർക്കുകളെല്ലാം താത്കാലികമായി അടച്ചിടാൻ തീരുമാനിച്ചതായി ഷാർജ മുൻസിപ്പാലിറ്റി അറിയിച്ചു. പൊതു ഇടങ്ങളിലെ ഇടപഴകൽ മൂലം രോഗം പകരുന്നത് തടയാനും അതിലൂടെ സമൂഹത്തിന്റെ ആരോഗ്യ സുരക്ഷ ഉറപ്പാക്കാനും ലക്ഷ്യമിട്ടാണ് ഈ നടപടി.
ഇനി ഒരു അറിയിപ്പുണ്ടാകുന്നത് വരെ ഷാർജ നാഷണൽ പാർക്ക്, അൽ മഹാട്ടാ പാർക്ക്, അബു ഷാൻഗ്ര പാർക്ക്, അൽ ഫെയ്‌ഹാ 1 & 2 പാർക്കുകൾ, അൽ നഹ്ദ പാർക്ക്, അൽ റോള പാർക്ക്, അൽ മംസാർ പാർക്ക്, അൽ സഫിയ പാർക്ക്, അൽ നാസിറിയ പാർക്ക്, അൽ മനഖ് പാർക്ക്, അൽ നദ് പാർക്ക്, ഗ്രീൻ ബെൽറ്റ് ലേഡീസ് പാർക്ക് എന്നിവയാണ് അടയ്ക്കാൻ തീരുമാനിച്ചിരിക്കുന്നത്.
