അൽ തുമാമ സ്റ്റേഡിയത്തിൽ നടന്ന ഗ്രൂപ്പ് എഫ് മത്സരത്തിൽ മൊറോക്കോ ഒന്നിനെതിരെ രണ്ട് ഗോളിന് കാനഡയെ തോൽപ്പിച്ചു.
മത്സരത്തിന്റെ നാലാം മിനിറ്റിൽ ഹക്കിം സീയെച് മൊറോക്കോയുടെ ആദ്യ ഗോൾ നേടി.
ഇരുപത്തിമൂന്നാം മിനിറ്റിൽ യൂസഫ് എൻ-നിസ്‌രി മൊറോക്കോയുടെ ലീഡ് ഉയർത്തി. നാല്പതാം മിനിറ്റിൽ നായിഫ് അഗർഡിന്റെ ഓൺ ഗോളിൽ കാനഡ ഒരു ഗോൾ മടക്കി.
ഇതോടെ ഏഴ് പോയിന്റുമായി ഗ്രൂപ്പിലെ ഒന്നാം സ്ഥാനക്കാരായി മൊറോക്കോ പ്രീ-ക്വാർട്ടറിലേക്ക് യോഗ്യത നേടി. അഞ്ച് പോയിന്റോടെ ഗ്രൂപ്പിൽ രണ്ടാം സ്ഥാനം നേടിയ ക്രോയേഷ്യയും പ്രീ-ക്വാർട്ടറിലേക്ക് യോഗ്യത നേടിയിട്ടുണ്ട്.
