പുതിയ ഒരു റിയാൽ ബാങ്ക് നോട്ടുകൾ സംബന്ധിച്ച് ഖത്തർ സെൻട്രൽ ബാങ്ക് അറിയിപ്പ് നൽകി. 2025 ജൂലൈ 2-നാണ് ഖത്തർ സെൻട്രൽ ബാങ്ക് ഈ അറിയിപ്പ് പുറത്തിറക്കിയത്.
مصرف قطر المركزي يعلن عن تغيير في الإصدار الخامس من الأوراق النقدية "فئة الريال".#مصرف_قطر_المركزي pic.twitter.com/BwVxZ5ygxE
— مصرف قطر المركزي (@QCBQATAR) July 2, 2025
ഖത്തർ റിയാലിന്റെ അഞ്ചാം ശ്രേണിയിൽപ്പെട്ട ഒരു റിയാൽ ബാങ്ക് നോട്ടിൽ പുതിയതായി വരുത്തിയിട്ടുള്ള മാറ്റങ്ങൾ ഈ അറിയിപ്പിലൂടെ ഖത്തർ സെൻട്രൽ ബാങ്ക് ചൂണ്ടിക്കാട്ടിയിട്ടുണ്ട്.
അഞ്ചാം ശ്രേണിയിൽപ്പെട്ട ഒരു റിയാൽ ബാങ്ക് നോട്ടിന്റെ പുതിയ പതിപ്പിൽ ഔദ്യോഗിക ദേശീയ ചിഹ്നം, പുറത്തിറക്കിയ തീയതി, അറബിക് സംഖ്യ എന്നിവ അധികമായി ചേർത്തിട്ടുണ്ട്.
അഞ്ചാം ശ്രേണിയിൽ ഉൾപ്പെടുത്തി നേരത്തെ പുറത്തിറക്കിയ ഒരു റിയാൽ ബാങ്ക് നോട്ടുകൾ പിൻവലിക്കുന്നില്ലെന്നും, അവ പുതിയ ഒരു റിയാൽ ബാങ്ക് നോട്ടിനൊപ്പം സാധുതയുള്ളവയായി തുടരുമെന്നും ഖത്തർ സെൻട്രൽ ബാങ്ക് അറിയിച്ചിട്ടുണ്ട്.
പുതിയ ഒരു റിയാൽ നോട്ടിൽ ഉൾപ്പെടുത്തിയിട്ടുള്ള ഈ മാറ്റങ്ങൾ അഞ്ചാം ശ്രേണിയിൽപ്പെട്ട മറ്റു മൂല്യങ്ങളിലുള്ള ബാങ്ക് നോട്ടുകളിൽ ഭാവിയിൽ ഉൾപ്പെടുത്തുമെന്നും ഖത്തർ സെൻട്രൽ ബാങ്ക് കൂട്ടിച്ചേർത്തു.
Cover Image: Qatar Central Bank.
