സൗജന്യ വൈ-ഫൈ സേവനം ലഭ്യമാക്കുന്ന നടപടികൾ എല്ലാ ഇന്റർസിറ്റി ബസുകളിലും പൂർത്തിയാക്കിയതായി ദുബായ് റോഡ്സ് ആൻഡ് ട്രാൻസ്പോർട് അതോറിറ്റി (RTA) അറിയിച്ചു. 2025 ജൂലൈ 23-നാണ് RTA ഇത് സംബന്ധിച്ച അറിയിപ്പ് നൽകിയത്.
#RTA, in collaboration with e&, has completed the rollout of free Wi-Fi on all its 259 intercity buses. The initiative is designed to enhance the daily commuting experience for passengers travelling between Dubai and other emirates of Sharjah, Abu Dhabi, Ajman, and Fujairah.… pic.twitter.com/roS8UJgcVs
— RTA (@rta_dubai) July 23, 2025
ഈ അറിയിപ്പ് പ്രകാരം RTA-യുടെ കീഴിലുള്ള 259 ഇന്റർസിറ്റി ബസ് സർവീസുകളിലും ഇപ്പോൾ സൗജന്യ വൈ-ഫൈ സേവനം ലഭ്യമാണ്. ടെലികമ്യൂണിക്കേഷൻസ് സ്ഥാപനമായ ‘e&’-യുമായി (ഇത്തിസലാത്ത്) ചേർന്നാണ് RTA ഈ സേവനം നൽകുന്നത്.
ദുബായിൽ നിന്ന് ഷാർജ, അബുദാബി, അജ്മാൻ, ഫുജൈറഹ് തുടങ്ങിയ എമിറേറ്റുകളിലേക്ക് RTA-യുടെ ഇന്റർസിറ്റി ബസുകളിൽ യാത്ര ചെയ്യുന്നവർക്ക് കൂടുതൽ മികച്ച യാത്രാനുഭവം ഉറപ്പാക്കുന്നതിനാണ് ഈ നടപടി. യാത്രികർക്ക് തങ്ങളുടെ കൈവശമുള്ള സ്മാർട്ട്ഫോണുകൾ, ടാബ്ലെറ്റുകൾ, ലാപ്ടോപ്പുകൾ എന്നിവ ഉപയോഗിച്ച് കൊണ്ട് യാത്രാ വേളയിൽ ഈ സൗജന്യ വൈ-ഫൈ സേവനം പ്രയോജനപ്പെടുത്താവുന്നതാണ്.
Cover Image: Dubai RTA.
