റിയാദ് സീസണിന്റെ ആറാമത് പതിപ്പിന് 2025 ഒക്ടോബർ 10, വെള്ളിയാഴ്ച തുടക്കമായി.
انطلقت المسيرة بعروض مميزة ومستوى يليق بـ #موسم_الرياض 2025 😎🔥
— TURKI ALALSHIKH (@Turki_alalshikh) October 10, 2025
The parade has begun 🔥
All eyes on the giant balloons as everyone lives the long-awaited moment. #RiyadhSeason 2025 kicks off with an unforgettable start 😎#BigTime pic.twitter.com/Uho0d5dRd1
അതിഗംഭീരമായ ഒരു ഗ്ലോബൽ പരേഡിന്റെ അകമ്പടിയോടെയാണ് ആറാമത് റിയാദ് സീസൺ ആരംഭിച്ചത്.
ഇത്തവണത്തെ റിയാദ് സീസണിന്റെ ഉദ്ഘാടനത്തിന്റെ ഭാഗമായി അരങ്ങേറിയ അത്യാകർഷകമായ പരേഡ് കാണുന്നതിനായി റിയാദിലെ തെരുവുകളിലേക്ക് ആയിരക്കണക്കിന് നിവാസികളും, സന്ദർശകരും ഒഴുകിയെത്തി.
വർണശബളമായ നിശ്ചലദൃശ്യങ്ങൾ, കലാരൂപങ്ങൾ, ഭീമൻ ബലൂണുകൾ തുടങ്ങിയവയ്ക്കൊപ്പം സംഗീതപരിപാടികളും, കലാപ്രകടനങ്ങളും ഇതിന്റെ ഭാഗമായി അരങ്ങേറി.
കിങ്ഡം അരീന മുതൽ ബുലവാർഡ് വേൾഡ് വരെയുള്ള മേഖലയിലാണ് ഈ പരേഡ് നടന്നത്. അന്തർദേശീയ കലാകാരന്മാരും, പ്രാദേശിക കലാസംഘങ്ങളും ഈ പരേഡിൽ പങ്കെടുത്തു.
ആഗോളപ്രശസ്തമായതും, ജനപ്രീതിയാർജ്ജിച്ചവയുമായ കഥാപാത്രങ്ങളുടെ രൂപത്തിലുള്ള ഭീമൻ ബലൂണുകൾ ഏറെ ശ്രദ്ധേയമായി.
ഇവയിൽ പല രൂപങ്ങളും ഇതാദ്യമായാണ് സൗദി അറേബ്യയിൽ അവതരിപ്പിക്കുന്നത്.
സൗദി ജനറൽ ജനറൽ എന്റർടൈൻമെന്റ് അതോറിറ്റി ചെയർമാൻ തുർക്കി അൽ-ഷെയ്ഖ് റിയാദ് സീസണിന്റെ ആറാമത് പതിപ്പ് ഔദ്യോഗികമായി ഉദ്ഘാടനം ചെയ്തതായി ഒരു ടെലിവിഷൻ പ്രസംഗത്തിലൂടെ അറിയിച്ചു.
അതിപ്രശസ്തമായ അമേരിക്കൻ വിനോദ കമ്പനിയായ മെയ്സിസ് ഈ പരേഡിൽ പങ്കെടുത്തിരുന്നു. ഇവരുടെ പരേഡ് ബലൂണുകൾ സന്ദർശകരുടെ മനം കവർന്നു.
ഇതാദ്യമായാണ് മെയ്സിസ് അമേരിക്കയ്ക്ക് പുറത്ത് ഇത്തരം ഒരു പ്രദർശനം അവതരിപ്പിക്കുന്നത്.
പശ്ചിമേഷ്യന് പ്രദേശങ്ങളിൽ സംഘടിപ്പിക്കപ്പെടുന്ന ഏറ്റവും വലിയ വിനോദ പരിപാടികളിലൊന്നായ റിയാദ് സീസണിന്റെ ഇത്തവണത്തെ പതിപ്പിൽ 11 വ്യത്യസ്ത വിനോദ മേഖലകൾ ഉൾപ്പെടുത്തുന്നതാണ്.
ഇതിന് പുറമെ 15 വേൾഡ്-ക്ലാസ് ചാംപ്യൻഷിപ്പുകൾ, 34 പ്രദർശനങ്ങൾ തുടങ്ങിയവയും ഇത്തവണത്തെ റിയാദ് സീസണിൽ ഉൾപ്പെടുത്തിയിട്ടുണ്ട്.
ലോകത്തിന്റെ നാനാഭാഗങ്ങളിൽ നിന്നുള്ള വിനോദ അനുഭവങ്ങൾ സന്ദർശകർക്ക് മുന്നിലെത്തിക്കുന്ന രീതിയിലാണ് ഈ മേള സംഘടിപ്പിക്കുന്നത്.
Cover Image: @Turki_alalshikh.
