ഷെയ്ഖ് സായിദ് ബിൻ സുൽത്താൻ റോഡിൽ വേരിയബിൾ സ്പീഡ് ലിമിറ്റ് നടപ്പിലാക്കാൻ തീരുമാനിച്ചതായി അബുദാബി മൊബിലിറ്റി അറിയിച്ചു. 2025 ഒക്ടോബർ 24-നാണ് അബുദാബി മൊബിലിറ്റി ഇക്കാര്യം അറിയിച്ചത്.
In line with our efforts to enhance road safety, the variable speed system will be implemented on Sheikh Zayed bin Sultan Street effective from Monday, October 27, 2025. We urge everyone to adhere to the speed limits to ensure the safety of all. @AbuDhabiDMT @ADPoliceHQ pic.twitter.com/mxLoraareq
— أبوظبي للتنقل | AD Mobility (@ad_mobility) October 24, 2025
ഈ അറിയിപ്പ് പ്രകാരം, 2025 ഒക്ടോബർ 27, തിങ്കളാഴ്ച മുതൽ ഷെയ്ഖ് സായിദ് ബിൻ സുൽത്താൻ റോഡിൽ വേരിയബിൾ സ്പീഡ് ലിമിറ്റ് സംവിധാനം പ്രവർത്തനക്ഷമമാക്കുന്നതാണ്. ട്രാഫിക് സുഗമമാക്കുന്നതിനും, റോഡ് സുരക്ഷ ഉയർത്തുന്നതിനുമാണിത്.
ഈ തീരുമാനം നടപ്പിലാക്കുന്നതോടെ താഴെ പറയുന്ന സാഹചര്യങ്ങളിൽ ഷെയ്ഖ് സായിദ് ബിൻ സുൽത്താൻ റോഡിൽ വേഗപരിധി സംബന്ധിച്ച മാനദണ്ഡങ്ങളിൽ മാറ്റം വരുന്നതാണ്:
- മഴ, മണൽക്കാറ്റ് തുടങ്ങിയ അസ്ഥിര കാലാവസ്ഥാ സാഹചര്യങ്ങളിൽ.
- ഗതാഗത തിരക്കേറിയ സമയങ്ങളിൽ.
- ഈ റോഡിലെ ട്രാഫിക്കിനെ ബാധിക്കുന്ന വലിയ പരിപാടികൾ നടക്കുന്ന അവസരങ്ങളിൽ.
- റോഡ് അറ്റകുറ്റപ്പണികൾ, താത്കാലികമായുള്ള ലെയിൻ അടച്ചിടലുകൾ തുടങ്ങിയ സാഹചര്യങ്ങളിൽ.
ഈ റോഡിൽ പ്രദർശിപ്പിച്ചിട്ടുള്ള വേഗപരിധി സംബന്ധിച്ച അറിയിപ്പുകൾ കർശനമായി പാലിക്കാൻ അധികൃതർ പൊതുജനങ്ങളോട് ആവശ്യപ്പെട്ടിട്ടുണ്ട്. തത്സമയം നടപ്പിലാക്കുന്ന വേഗപരിധിയിലെ മാറ്റങ്ങൾ ഈ റോഡിലെ അപകടങ്ങൾ, ഗതാഗതകുരുക്ക് എന്നിവ ഒഴിവാക്കുന്നതിനാണെന്ന് അധികൃതർ കൂട്ടിച്ചേർത്തു.
