ഫുഡ് ട്രക്കുകൾക്ക് പുതിയ പ്രവർത്തന മാനദണ്ഡങ്ങൾ ഏർപ്പെടുത്തുന്നതായി സൗദി അധികൃതർ അറിയിച്ചു. 2025 നവംബർ 2-നാണ് സൗദി മിനിസ്ട്രി ഓഫ് മുനിസിപ്പാലിറ്റീസ് ആൻഡ് ഹൗസിങ് ഇത് സംബന്ധിച്ച അറിയിപ്പ് നൽകിയത്.
لبيئة أكثر تنظيماً وجودة أعلى، أصدرت #وزارة_البلديات_والإسكان الاشتراطات المحدثة للعربات المتنقلة لرفع مستوى الامتثال، ودعم سلامة الغذاء، وتحسين تجربة المستفيدين.. لنمتثل #لأنها_بلدي
— وزارة البلديات والإسكان (@saudimomrah) November 2, 2025
للاطلاع على الاشتراطات: https://t.co/qISoFWleFw pic.twitter.com/fC1f8rO7FQ
പൊതു സുരക്ഷ ഉറപ്പാക്കുന്നതിനും, ട്രാഫിക് തടസങ്ങൾ ഒഴിവാക്കുന്നതിനും ലക്ഷ്യമിട്ടാണ് രാജ്യവ്യാപകമായി ഫുഡ് ട്രക്കുകൾക്ക് പുതിയ പ്രവർത്തന മാനദണ്ഡങ്ങൾ ഏർപ്പെടുത്തുന്നത്.
ഇതിന്റെ ഭാഗമായി സൗദി മിനിസ്ട്രി ഓഫ് മുനിസിപ്പാലിറ്റീസ് ആൻഡ് ഹൗസിങ് താഴെ പറയുന്ന നിർദ്ദേശങ്ങൾ നൽകിയിട്ടുണ്ട്:
- പാർപ്പിടമേഖലകൾക്ക് സമീപങ്ങളിൽ ഫുഡ് ട്രക്കുകൾ പ്രവർത്തിക്കുന്നതിന് വിലക്കേർപ്പെടുത്തിയിട്ടുണ്ട്.
- ട്രാഫിക് ലൈറ്റുകൾക്ക് സമീപം ഫുഡ് ട്രക്കുകൾ പാർക്ക് ചെയ്യുന്നത് വിലക്കിയിട്ടുണ്ട്.
- റോഡ് ഇന്റർസെക്ഷനുകൾ, പ്രധാന റോഡുകളുടെയും, മറ്റു റോഡുകളുടെയും എൻട്രി, എക്സിറ്റ് മേഖലകൾ തുടങ്ങിയ ഇടങ്ങളിൽ ഫുഡ് ട്രക്കുകൾ പാർക്ക് ചെയ്യുന്നത് വിലക്കിയിട്ടുണ്ട്.
- വളരെയധികം വാഹനത്തിരക്കേറിയ ഇടങ്ങളിൽ ഫുഡ് ട്രക്കുകൾ പ്രവർത്തിക്കുന്നത് വിലക്കിയിട്ടുണ്ട്.
- ഫ്യുവൽ സ്റ്റേഷനുകൾക്ക് 10 മീറ്റർ ചുറ്റളവിൽ ഫുഡ് ട്രക്കുകൾ പ്രവർത്തിക്കുന്നത് വിലക്കിയിട്ടുണ്ട്.
- ഫുഡ് ട്രക്കുകളിൽ പുകവലിക്കുന്നതിനും, ഉച്ചഭാഷണികൾ ഉപയോഗിക്കുന്നതിനും വിലക്കേർപ്പെടുത്തിയിട്ടുണ്ട്.
Cover Image: Saudi Press Agency.
