രാജ്യത്തുടനീളം വരും ദിവസങ്ങളിൽ അസ്ഥിര കാലാവസ്ഥ തുടരുമെന്ന് ദേശീയ കാലാവസ്ഥാ കേന്ദ്രം അറിയിച്ചു. 2026 മാർച്ച് 27-നാണ് എമിറേറ്റ്സ് ന്യൂസ് ഏജൻസി ഇക്കാര്യം റിപ്പോർട്ട് ചെയ്തത്.
NCM: Unstable weather until early April; rain expected during midweek#WamNews https://t.co/ne8iuvxh7d pic.twitter.com/SLwZKjYU1t
— WAM English (@WAMNEWS_ENG) March 27, 2026
ഈ അറിയിപ്പ് പ്രകാരം മാർച്ച് 28 മുതൽ താപനിലയിൽ ഗണ്യമായ കുറവുണ്ടാകുമെന്നും വരുന്ന ആഴ്ചയുടെ മധ്യം മുതൽ വീണ്ടും മഴ ലഭിക്കാനിടയുണ്ടെന്നും കാലാവസ്ഥാ കേന്ദ്രം അറിയിച്ചിട്ടുണ്ട്. ഏപ്രിൽ 1-ഓടെ യു എ ഇയിൽ ഒറ്റപ്പെട്ട മഴയ്ക്ക് സാധ്യതയുണ്ട്.
ഇതോടൊപ്പം തെക്കുകിഴക്കൻ, വടക്കുകിഴക്കൻ ദിശയിൽ നേരിയതോ മിതമായതോ ആയ കാറ്റ് വീശുന്നതിന് സാധ്യതയുണ്ട്. കടലിൽ ചില സമയങ്ങളിൽ ശക്തമായ കാറ്റ് വീശുന്നതിന് സാധ്യതയുണ്ട്.
അറേബ്യൻ ഗൾഫിൽ കടൽ ചില സമയങ്ങളിൽ പ്രക്ഷുബ്ധമോ വളരെ പ്രക്ഷുബ്ധമോ ആയിരിക്കും.
WAM [Cover Image: Dubai Media Office.]
