സ്ഫിയർ അബുദാബി പദ്ധതി സ്ഥാപിക്കുന്നതിനായി യാസ് ഐലൻഡ് തിരഞ്ഞെടുത്തു. 2026 മെയ് 14-നാണ് അബുദാബി മീഡിയ ഓഫീസ് ഇക്കാര്യം അറിയിച്ചത്.
With a construction phase investment of US$1.7bn from @dctabudhabi, Sphere Abu Dhabi, the first Sphere outside the US, has been announced for Yas Island. With a capacity of 20,000, it will offer immersive, multisensory experiences powered by advanced experiential technologies. pic.twitter.com/YWCkbQjsHx
— مكتب أبوظبي الإعلامي (@ADMediaOffice) May 14, 2026
അബുദാബി സാംസ്കാരിക, ടൂറിസം വകുപ്പും (DCT) സ്ഫിയർ എന്റർടൈൻമെന്റ് കമ്പനിയും ചേർന്നാണ് ഇക്കാര്യം പ്രഖ്യാപിച്ചത്.
നിർമ്മാണ ഘട്ടത്തിൽ 1.7 ബില്യൺ യുഎസ് ഡോളർ ചെലവ് പ്രതീക്ഷിക്കുന്ന ഒരു പ്രധാന പദ്ധതിയാണ് സ്ഫിയർ അബുദാബി. ലോകമെമ്പാടുമുള്ള വിനോദസഞ്ചാരികളെ ആകർഷിക്കുന്നതിനും, സാമ്പത്തിക വൈവിധ്യവൽക്കരണം വർദ്ധിപ്പിക്കുന്നത്തിനും ലക്ഷ്യമിടുന്ന ഈ പദ്ധതി പൂർത്തിയാകുന്നതോടെ ഒരു ആഗോള ഐക്കണായി മാറുന്നതാണ്.
യുഎസിന് പുറത്തുള്ള ആദ്യത്തെ സ്ഫിയർ വേദിയായിരിക്കും സ്ഫിയർ അബുദാബി. യാസ് മാളിനും സീവേൾഡ് അബുദാബിക്കും ഇടയിലുള്ള പ്രദേശത്താണ് ഇത് നിർമ്മിക്കുന്നത്.
2029 അവസാനത്തോടെ സ്ഫിയർ അബുദാബി വേദിയുടെ നിർമ്മാണം പൂർത്തിയാകുമെന്നാണ് പ്രതീക്ഷിക്കുന്നത്. 20,000 പേരെ ഉൾക്കൊള്ളാൻ കഴിയുന്ന ഈ വേദി നൂതന പരീക്ഷണാത്മക സാങ്കേതികവിദ്യകളാൽ പ്രവർത്തിക്കുന്ന ആഴത്തിലുള്ളതും ബഹുസംവേദനാത്മകവുമായ അനുഭവങ്ങൾ പ്രദാനം ചെയ്യുന്നതാണ്.
“വരും പതിറ്റാണ്ടുകളിൽ യാസ് ദ്വീപിലേക്കും അബുദാബിയിലേക്കും സമൂഹത്തെയും സന്ദർശകരെയും സ്രഷ്ടാക്കളെയും നിക്ഷേപകരെയും ആകർഷിക്കുന്ന ഒരു വേദി ഞങ്ങൾ ഒരുമിച്ച് സൃഷ്ടിക്കുകയാണ്. എമിറാത്തി സംസ്കാരം, എമിറാത്തി കഴിവുകൾ, എമിറാത്തി കഥപറച്ചിൽ എന്നിവയ്ക്കുള്ള ഒരു വേദിയായിരിക്കും സ്ഫിയർ അബുദാബി, ഇതുവരെ നിർമ്മിച്ചതിൽ വച്ച് ഏറ്റവും മഹത്തായ വേദിയിൽ ഇത് ഞങ്ങൾ ലോകവുമായി പങ്കിടും.”, DCT അബുദാബി ചെയർമാൻ H.E. മുഹമ്മദ് ഖലീഫ അൽ മുബാറക് വ്യക്തമാക്കി.
ആഴത്തിലുള്ള അനുഭവങ്ങൾ ഒരുക്കുന്ന മേഖലയിലെ പ്രധാന ലക്ഷ്യസ്ഥാനമായി യാസ് ദ്വീപിനെ പ്രതിഷ്ഠിക്കുന്നതിന് സ്ഫിയർ അബുദാബി കാരണമാകുന്നതാണെന്നും, ഇത് നിറവേറ്റുന്നതിനായി DCT അബുദാബിയുമായി ചേർന്ന് പ്രവർത്തിക്കാൻ തങ്ങൾ ആഗ്രഹിക്കുന്നതായും സ്ഫിയർ എന്റർടൈൻമെന്റ് കമ്പനി എക്സിക്യൂട്ടീവ് ചെയർമാൻനും സി ഇ ഓയുമായ ജെയിംസ് എൽ ഡോലാൻ അറിയിച്ചു.
മൾട്ടി-സെൻസറി സ്റ്റോറിടെല്ലിംഗ് ഫീച്ചർ ചെയ്യുന്ന പ്രൊപ്രൈറ്ററി ഇമ്മേഴ്സീവ് പ്രൊഡക്ഷനുകൾ ഉൾപ്പെടുത്തിയിട്ടുള്ള ‘സ്ഫിയർ എക്സ്പീരിയൻസസ്’, ‘കൺസേർട് റെസിഡെൻസസ്’, കോംബാറ്റ് സ്പോർട്സ് മുതൽ കോൺഫറൻസുകൾ, ഉൽപ്പന്ന ലോഞ്ചുകൾ എന്നിങ്ങനെ ഫ്ലെക്സിബിൾ കോൺഫിഗറേഷനുകളാൽ പിന്തുണയ്ക്കപ്പെടുന്ന മാർക്യൂ, ബ്രാൻഡ് ഇവന്റുകൾ ഹോസ്റ്റുചെയ്യുന്നതിനുള്ള സൗകര്യങ്ങൾ എന്നിങ്ങനെ മൂന്ന് പ്രധാന വിഭാഗത്തിലുള്ള പരിപാടികൾക്ക് സ്ഫിയർ അബുദാബി ആതിഥേയത്വം വഹിക്കുന്നതാണ്.
ലാസ് വെഗാസിലെ സ്ഫിയറിന്റെ കൈയൊപ്പായ പൂർണ്ണമായും ആഴത്തിലുള്ള അനുഭവങ്ങൾ ഉൾപ്പെടുത്തുന്ന രീതിയിലായിരിക്കും ഈ പദ്ധതി നടപ്പിലാക്കുന്നതെന്നാണ് സൂചന. എമിറാറ്റി സംസ്കാരവും പൈതൃകവും അറിയിക്കുന്ന സ്ഫിയർ എക്സ്പീരിയൻസുകൾ, സ്ഫിയർ അബുദാബി വേദിയുടെ പുറംഭാഗം രൂപപ്പെടുത്തുന്ന ഗോളാകൃതിയിലുള്ള എൽഇഡി സ്ക്രീൻ എക്സോഫിയറിൽ എമിറാറ്റി കലാകാരന്മാരുടെ സൃഷ്ടികൾ പ്രദർശിപ്പിക്കൽ തുടങ്ങിയവയും ഈ പദ്ധതിയിൽ ഉൾപ്പെടുന്നു.
Cover Image: WAM
