എമിറേറ്റിലുടനീളമുള്ള ഏഴ് പുതിയ മേഖലകളിലേക്ക് കൂടി ഇ-ബൈക്ക് ഡെലിവറി സേവനങ്ങൾ വ്യാപിപ്പിക്കുന്നതായി ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) അറിയിച്ചു. 2026 ജൂലൈ 27-നാണ് ദുബായ് മീഡിയ ഓഫീസ് ഇക്കാര്യം അറിയിച്ചത്.
Dubai's Roads and Transport Authority (RTA) expands e-bike delivery service to 7 new areas across Dubai. The newly covered areas comprise Al Twar 1, Al Twar 2, Al Qusais 1, Sheikh Mohammed Bin Rashid Boulevard, Dubai Media City, Jumeirah Lakes Towers (JLT), and Dubai Marina. pic.twitter.com/bUSKpbYspO
— Dubai Media Office (@DXBMediaOffice) July 27, 2026
കഴിഞ്ഞ ഫെബ്രുവരിയിലാണ് നാല് മേഖലകളിലായി RTA ഇ-ബൈക്ക് ഡെലിവറി സേവനങ്ങൾ പരീക്ഷണാടിസ്ഥാനത്തിൽ ആരംഭിച്ചത്. പരീക്ഷണാടിസ്ഥാനത്തിലുള്ള ഈ സേവനങ്ങൾ വിജയകരമായ സാഹചര്യത്തിലാണ് എമിറേറ്റിലുടനീളമുള്ള ഏഴ് പുതിയ മേഖലകൾ കൂടി ചേർത്തുകൊണ്ട് ഇ-ബൈക്ക് ഡെലിവറി സേവനം വ്യാപിപ്പിക്കാനുള്ള ഈ തീരുമാനം.
ഇ-ബൈക്ക് ഡെലിവറി സേവനങ്ങൾ താഴെ പറയുന്ന ഏഴ് പുതിയ മേഖലകളിലേക്ക് കൂടി വ്യാപിപ്പിക്കുന്നതാണ്:
- അൽ തവാർ 1.
- അൽ തവാർ 2.
- അൽ ഖുസൈസ് 1.
- ഷെയ്ഖ് മുഹമ്മദ് ബിൻ റാഷിദ് ബുലവാർഡ്.
- ദുബായ് മീഡിയ സിറ്റി.
- ജുമേയ്റ ലേക്സ് ടവേഴ്സ് (JLT).
- ദുബായ് മറീന.
ആദ്യ ഘട്ടത്തിൽ അൽ കറാമ, അൽ ഹംരിയ, ഉം ഹുറൈർ, അൽ മൻഖൂൽ എന്നീ പ്രദേശങ്ങളിൽ ഈ സേവനങ്ങൾ ആരംഭിച്ചിരുന്നു.
WAM [Cover Image: Dubai Media Office.]
