2026 ജൂലൈ 23 മുതൽ പാസ്പോർട്ട്, വിസ, അറ്റസ്റ്റേഷൻ സേവനങ്ങൾ ഉൾപ്പെടെയുള്ള കോൺസുലാർ സേവനങ്ങൾ മൂന്ന് പുതിയ ഇന്ത്യൻ കോൺസുലാർ ആപ്ലിക്കേഷൻ സെന്ററുകൾ (ICAC) വഴി ലഭ്യമാകുമെന്ന് കുവൈറ്റിലെ ഇന്ത്യൻ എംബസി അറിയിച്ചു. 2026 ജൂലൈ 22-നാണ് കുവൈറ്റിലെ ഇന്ത്യൻ എംബസി ഇക്കാര്യം അറിയിച്ചത്.
ATTENTION
— India in Kuwait (@indembkwt) July 22, 2026
URGENT NOTICE about Indian Consular, Passport, Attestation and Visa services in Kuwait from Thursday, 23 July 2026.
Details of Fees in the Annexure : https://t.co/Q2QOzHPx2g@narendramodi @DrSJaishankar @KVSinghMPGonda @MEAIndia @diaspora_india @IndianDiplomacy… pic.twitter.com/ZFAY0vX61Y
ഡി യു ഡിജിറ്റൽ ഗ്ലോബൽ വഴിയാണ് ഈ സേവനങ്ങൾ നൽകുന്നത്. താഴെ പറയുന്ന മൂന്ന് ICAC കേന്ദ്രങ്ങൾ വഴിയാണ് ഈ സേവനങ്ങൾ നൽകുന്നതെന്ന് കുവൈറ്റിലെ ഇന്ത്യൻ എംബസി അറിയിച്ചിട്ടുണ്ട്:
- Kuwait City ICAC – Al Jawhara Tower, 1st Floor, Qibla, Block 11, Plot 11, Salem Al-Mubarak Street, Kuwait City.
- Fahaheel ICAC – Sama Mall, 3rd Floor, Unit 55, Plot No. 21, Fahaheel.
- Dajeej ICAC – Waha Mall, Units 37 and 38, Ground Floor, Al Dajeej.
ഈ ICAC കേന്ദ്രങ്ങളുടെ പ്രവർത്തന സമയം രാവിലെ 8 മണിമുതൽ രാത്രി 6 മണിവരെയാണ്. ഈ കേന്ദ്രങ്ങളിൽ നിന്നുള്ള സേവനങ്ങൾ വാക്-ഇൻ അടിസ്ഥാനത്തിലും, മുൻകൂട്ടി നേടിയിട്ടുള്ള ഓൺലൈൻ അപ്പോയ്ന്റ്മെന്റുകൾ വഴിയും ലഭ്യമാണ്.
ഇത്തരം സേവനങ്ങൾക്ക് നൽകേണ്ട സർക്കാർ നിശ്ചയിച്ചിട്ടുള്ള ഫീസിന് പുറമെ, ഈ ICAC കേന്ദ്രങ്ങൾക്കുള്ള സർവീസ് ചാർജ്ജ് ഇനത്തിൽ 6 ദിനാർ അധികമായി ഈടാക്കുന്നതാണ്. കോൺസുലാർ സേവനങ്ങളുമായി ബന്ധപ്പെട്ട ഫോം പൂരിപ്പിക്കൽ, ഫോട്ടോഗ്രാഫ്, ഡോക്യുമെന്റ് ടൈപ്പിംഗ്, പ്രിന്റൗട്ട്, ഫോട്ടോകോപ്പി, പ്രാദേശിക കൊറിയർ തുടങ്ങിയ അനുബന്ധ സേവനങ്ങളുടെ ഫീസ് ഉൾപ്പെടെയാണ് ഈ സർവീസ് ചാർജ്ജ്.
