ദുബായ്: പന്ത്രണ്ടാമത് ഗൾഫുഡ് മാനുഫാക്ച്ചറിംഗ് ആരംഭിച്ചു

ഗൾഫുഡ് മാനുഫാക്ച്ചറിംഗിന്റെ പന്ത്രണ്ടാമത് പതിപ്പ് 2026 നവംബർ 3-ന് ആരംഭിച്ചു. ദുബായ് മീഡിയ ഓഫീസാണ് ഇക്കാര്യം അറിയിച്ചത്.

Ahmed bin Saeed inaugurates the 12th edition of Gulfood Manufacturing 2026. Held at Dubai World Trade Centre over three days, the event brings together 2,500 exhibitors from 79 countries, alongside leading global food manufacturers, technology providers, ingredient specialists and industry decision-makers.

— Dubai Media Office (@DXBMediaOffice) November 3, 2026

ദുബായ് സിവിൽ ഏവിയേഷൻ അതോറിറ്റി പ്രസിഡന്റും, എമിരേറ്റ്സ് എയർലൈൻ സി ഇ ഓയുമായ H.H. ഷെയ്ഖ് അഹമ്മദ് ബിൻ സയീദ് അൽ മക്തൂമാണ് ഗൾഫുഡ് മാനുഫാക്ചറിംഗ് 2026 ഉദ്ഘാടനം ചെയ്തത്.

ദുബായ് വേൾഡ് ട്രേഡ് സെന്ററിൽ വെച്ചാണ് ഗൾഫുഡ് മാനുഫാക്ച്ചറിംഗ് 2026 നടക്കുന്നത്. ഈ പ്രദർശനം 2026 നവംബർ 3 മുതൽ നവംബർ 5 വരെ നീണ്ട് നിൽക്കും.

ലോകത്തെ ഏറ്റവും വലിയ ഭക്ഷ്യപാനീയ നിർമ്മാണ പ്രദർശനങ്ങളിലൊന്നാണ് ഗൾഫുഡ് മാനുഫാക്ച്ചറിംഗ്. ഇത്തവണത്തെ ഈ മേളയിൽ 79 രാജ്യങ്ങളിൽ നിന്നുള്ള 2,500 പ്രദർശകർക്കൊപ്പം ആഗോളതലത്തിലെ പ്രമുഖ ഭക്ഷ്യ ഉൽപ്പാദകർ, സാങ്കേതിക സേവന ദാതാക്കൾ, ചേരുവകളിലെ വിദഗ്ധർ, വ്യവസായ രംഗത്തെ തീരുമാനങ്ങൾ എടുക്കുന്ന പ്രമുഖർ എന്നിവരും ഒത്തുചേരുന്നു.

Cover Image: Dubai Media Office.