ഇന്ത്യയിലെ ജയ്പൂരിൽ വെച്ച് നടന്ന ബ്രിക്സ് വ്യാപാര മന്ത്രിമാരുടെ യോഗത്തിൽ യു എ ഇയെ പ്രതിനിധീകരിച്ച് കൊണ്ട് ഫോറിൻ ട്രേഡ് മിനിസ്റ്റർ ഡോ. താനി ബിൻ ആഹ്മെദ് അൽ സെയൂദി പങ്കെടുത്തു. 2026 ഓഗസ്റ്റ് 8-നാണ് എമിറേറ്റ്സ് ന്യൂസ് ഏജൻസി ഇക്കാര്യം റിപ്പോർട്ട് ചെയ്തത്.
UAE participates in 2026 BRICS Trade Ministers Meeting in Jaipur, India#WamNews https://t.co/DbwgkeTbFy pic.twitter.com/XSmlBpVu6R
— WAM English (@WAMNEWS_ENG) August 8, 2026
ഇന്ത്യയിലെ യു എ ഇ അംബാസഡർ അബ്ദുള്ള അൽ നുഐമിയും അൽ സെയൂദിക്കൊപ്പം ഈ യോഗത്തിൽ പങ്കെടുത്തിരുന്നു. ജയ്പൂരിലെ ഹോട്ടൽ സവായ് മാൻ മഹലിലെ മഹാറാണി മഹലിൽ വെച്ചാണ് ഈ യോഗം നടന്നത്.
ബ്രിക്സ് അധ്യക്ഷനായി ഇന്ത്യ ആതിഥേയത്വം വഹിച്ച ഈ യോഗത്തിൽ, ബഹുമുഖ വ്യാപാര സംവിധാനം സംരക്ഷിക്കുക, ഉൾക്കൊള്ളുന്ന വ്യാപാരം വളർത്തുക, എംഎസ്എംഇകളെ ശാക്തീകരിക്കുക, ഡിജിറ്റൽ പരിവർത്തനം ത്വരിതപ്പെടുത്തുന്നതിനിടയിൽ ആഗോള മൂല്യ ശൃംഖലകൾ പുനർനിർമ്മിക്കുക എന്നിവയെക്കുറിച്ച് ചർച്ച നടന്നു. ബ്രിക്സ് സമൂഹത്തിലുടനീളമുള്ള വ്യാപാര മന്ത്രിമാരും, മുതിർന്ന ഉദ്യോഗസ്ഥരും ഈ ചർച്ചകളിൽ പങ്കെടുത്തു.
WAM
