Category: International News

ചൈനയിൽ കൊറോണാ വൈറസ് ബാധ പടരുന്നതിനോടൊപ്പം, ചൈനയ്ക്ക് പുറത്ത് ലോകവ്യാപകമായി രേഖപ്പെടുത്തുന്ന COVID-19 രോഗികളുടെ വർദ്ധനവ് ആശങ്കകൾക്കിടയാക്കുന്നു.

ദിനംപ്രതി വർദ്ധിച്ചു വരുന്ന കൊറോണാ വൈറസ് ബാധിതരുടെ എണ്ണം ലോകവ്യാപകമായി വർദ്ധിച്ചു വരുന്ന സാഹചര്യത്തിൽ COVID-19 പ്രതിരോധിക്കുന്നതിനുള്ള സാധ്യതകൾ മങ്ങുന്നതായുള്ള ആശങ്കകൾ ലോകാരോഗ്യ സംഘടന (WHO) പങ്കുവെച്ചു.

യാത്രക്കാർക്ക് COVID-19 സ്ഥിരീകരിച്ചതിനെ തുടർന്ന് ഫെബ്രുവരി 3 മുതൽ ജാപ്പനീസ് തീരത്ത് തടഞ്ഞുവെക്കപ്പെട്ടിട്ടുള്ള ഡയമണ്ട് പ്രിൻസസ് എന്ന ആഡംബര കപ്പലിലെ രോഗബാധിതരിൽ രണ്ട് പേർ മരണപ്പെട്ടതായി സർക്കാർ സ്രോതസ്സുകളെ ഉദ്ധരിച്ച് കൊണ്ട് ജാപ്പനീസ് മാധ്യമങ്ങൾ ഇന്ന് രാവിലെ അറിയിച്ചു.

പശ്ചിമേഷ്യന്‍ രാജ്യങ്ങളിൽ നിന്ന് കൊറോണാ വൈറസ് ബാധയെ തുടർന്നുള്ള ആദ്യ മരണം ഇറാനിൽ നിന്ന് ബുധനാഴ്ച്ച റിപ്പോർട്ട് ചെയ്തു.