പത്ത് ദിവസം നീണ്ട് നിൽക്കുന്ന എമിറാത്തി ലൈറ്റ് ആർട്ട് ആൻഡ് കൾച്ചർ മേളയായ ‘ധായ് ദുബായ്’ എക്സ്പോ സിറ്റിയിൽ ആരംഭിച്ചു. എമിറേറ്റ്സ് ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.
2024 ജനുവരി 26-നാണ് ഈ മേള ആരംഭിച്ചത്. ഈ മേള ഫെബ്രുവരി 4 വരെ നീണ്ട് നിൽക്കും.
ഇതാദ്യമായാണ് ഇത്തരം ഒരു മേള സംഘടിപ്പിക്കുന്നത്. കലാ രൂപങ്ങൾ, ആർട്ട് ഇൻസ്റ്റലേഷനുകൾ, സംവാദങ്ങൾ, സെമിനാറുകൾ തുടങ്ങിയവയിലൂടെ എമിറാത്തി കലാപാരമ്പര്യത്തിന്റെ ഒരു ആഘോഷം എന്ന രീതിയിലാണ് ഈ മേള ഒരുക്കിയിരിക്കുന്നത്.
എ ജി ബി ക്രീയേറ്റീവുമായി ചേർന്ന് നടത്തുന്ന ഈ മേള ദുബായ് കൾച്ചർ ആൻഡ് ആർട്സ് അതോറിറ്റിയുടെ പിന്തുണയോടെയാണ് ഒരുക്കിയിരിക്കുന്നത്. ഈ മേളയിലേക്ക് പ്രവേശനം സൗജന്യമാണ്.
മേളയുടെ ഉദ്ഘാടന ചടങ്ങിൽ ദുബായ് കൾച്ചർ ആർട്സ് ലിറ്ററേച്ചർ വിഭാഗം സി ഇ ഓ ഡോ. സയീദ് മുബാറക് ബിൻ ഖർബാഷ്, എക്സ്പോ സിറ്റി ദുബായ് എക്സിക്യൂട്ടീവ് ക്രിയേറ്റീവ് ഡയറക്ടർ അംന അബുൽഹൊൽ, എ ജി ബി ക്രീയേറ്റീവ് സി ഇ ഓ ആന്തണി ബാസ്റ്റിക് തുടങ്ങിയവർ പങ്കെടുത്തു.
WAM.
