ദുബായ് സർക്കാരിന്റെ പുതിയ ലോഗോയ്ക്ക് ദുബായ് കിരീടാവകാശി H.H. ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം ഔദ്യോഗിക അംഗീകാരം നൽകി. 2024 മാർച്ച് 17-ന് രാത്രിയാണ് ദുബായ് മീഡിയ ഓഫീസ് ഇക്കാര്യം അറിയിച്ചത്.
ദുബായ് എക്സിക്യൂട്ടീവ് കൗൺസിൽ പുനഃസംഘടിപ്പിച്ചതിന് ശേഷം നടന്ന ആദ്യത്തെ യോഗത്തിലാണ് ഈ ലോഗോയ്ക്ക് അംഗീകാരം നൽകിയത്. എമിറേറ്റ്സ് ടവറിൽ വെച്ചായിരുന്നു ഈ യോഗം.
“ദുബായിയുടെ പഴയ ലോഗോ ഞങ്ങൾ പുതുക്കി നിർമ്മിച്ചിരിക്കുകയാണ്. ദുബായ് സർക്കാരിന്റെ പുതിയ അടയാളമായി ഈ പുതിയ ലോഗോ ഉപയോഗിക്കുന്നതാണ്. എമിറേറ്റിന്റെ ഭാവിയെ സ്വപ്നം കാണാൻ കഴിയുന്ന നേതൃത്വം, വികസനക്കുതിപ്പ്, ഭാവിയിലെ നഗരം എന്ന സ്വപ്നത്തിലേക്കുള്ള പരിണാമം എന്നിവ അടയാളപ്പെടുത്തുന്നതാണ് ഈ പുതിയ ലോഗോ. ദുബായ് സർക്കാരിന്റെ എല്ലാ വകുപ്പുകളിലും ഈ പുതിയ ലോഗോ ഉൾപ്പെടുത്തുന്നതിനുള്ള നടപടികൾ ആരംഭിക്കാൻ ദുബായ് എക്സിക്യൂട്ടീവ് കൗൺസിലിനെ ചുമതലപ്പെടുത്തിയിട്ടുണ്ട്.”, ലോഗോയ്ക്ക് അംഗീകാരം നൽകിക്കൊണ്ട് ഷെയ്ഖ് ഹംദാൻ അറിയിച്ചു.
WAM
