രാജ്യത്തിന്റെ വിവിധ മേഖലകളിൽ 2025 ജനുവരി 31, വെള്ളിയാഴ്ച വരെ ഒറ്റപ്പെട്ട മഴയ്ക്ക് സാധ്യതയുള്ളതായി യു എ ഇ ദേശീയ കാലാവസ്ഥാ കേന്ദ്രം അറിയിച്ചു. 2025 ജനുവരി 27-നാണ് യു എ ഇ ദേശീയ കാലാവസ്ഥാ കേന്ദ്രം ഇക്കാര്യം അറിയിച്ചത്.
— المركز الوطني للأرصاد (@ncmuae) January 27, 2025
ഈ അറിയിപ്പ് പ്രകാരം യു എ ഇയിൽ 2025 ജനുവരി 28 മുതൽ ജനുവരി 31 വരെ മഴയ്ക്ക് സാധ്യതയുണ്ട്. ഈ കാലയളവിൽ യു എ ഇയുടെ തീരപ്രദേശങ്ങളിലും, ഉൾപ്രദേശങ്ങളിലും മഴയ്ക്ക് സാധ്യതയുണ്ട്.
തീരപ്രദേശങ്ങളിൽ കാറ്റിന് സാധ്യതയുള്ളതായും, അന്തരീക്ഷത്തിൽ പൊടി ഉയരാനിടയുള്ളതിനാൽ വാഹനങ്ങളോടിക്കുന്നവർ ജാഗ്രത പുലർത്തണമെന്നും അധികൃതർ അറിയിച്ചിട്ടുണ്ട്.
