എമിറേറ്റിലെ ട്രാഫിക് സിഗ്നലുകളിൽ ഗതാഗതം സുഗമമാക്കുന്നതിനായി ദുബായ് റോഡ്സ് ആൻഡ് ട്രാൻസ്‌പോർട് അതോറിറ്റി (RTA) കൃത്രിമബുദ്ധി (AI) ഉപയോഗപ്പെടുത്തുന്നു. 2025 ഏപ്രിൽ 24-നാണ് RTA ഇക്കാര്യം അറിയിച്ചത്.
توظف #هيئة_الطرق_و_المواصلات الذكاء الاصطناعي لتطوير نظام التحكم بإشارات المرور في جميع أنحاء دبي.
— RTA (@rta_dubai) April 24, 2025
من خلال تحليل البيانات، تعدل أنظمة الذكاء الاصطناعي توقيت الإشارات ديناميكياً وفورياً، مما يساعد على تقليل أوقات الانتظار وتحسين انسيابية حركة مركبات النقل العام والمركبات ذات… pic.twitter.com/cEdw4sKVba
ഈ സംവിധാനത്തിലൂടെ ദുബായിലെ ട്രാഫിക് സിഗ്നലുകളിലെ കാത്തിരിപ്പ് സമയം 20 ശതമാനം വരെ കുറയ്ക്കുന്നതിന് RTA ലക്ഷ്യമിടുന്നു. AI ഉപയോഗിച്ച് കൊണ്ട് തത്സമയമുള്ള ട്രാഫിക് കൺട്രോൾ തീരുമാനങ്ങൾ കൈക്കൊള്ളുന്നതിലൂടെ ട്രാഫിക് സിഗ്നലുകളിൽ ഏറ്റവും മികച്ച രീതിയിലുള്ള ഗതാഗത നീക്കം സാധ്യമാക്കുന്നതിന് ഈ സംവിധാനത്തിലൂടെ സാധ്യമാകുമെന്ന് അധികൃതർ അറിയിച്ചു.
അടുത്തിടെ നടന്ന പ്രഥമ ദുബായ് AI വീക്കിന്റെ ഭാഗമായാണ് RTA ഈ സംവിധാനം അവതരിപ്പിച്ചത്. തത്സമയമുള്ള ട്രാഫിക് വിവരങ്ങൾ, മുൻകാലങ്ങളിലെ ട്രാഫിക് വിവരങ്ങൾ എന്നിവ അവലോകനം ചെയ്ത് കൊണ്ട് ഗതാഗത നീക്കം മുൻകൂട്ടി കാണുന്നതിന് ഈ കൃത്രിമബുദ്ധി സംവിധാനത്തിലൂടെ സാധിക്കുന്നതാണ്.
ഇത് ട്രാഫിക് നീക്കങ്ങൾ പ്രവചിക്കുന്നതിനും, സിഗ്നൽ സമയങ്ങളിൽ ആവശ്യമായ തത്സമയ മാറ്റങ്ങൾ വരുത്തുന്നതിനും അതിലൂടെ സിഗ്നലുകളിലെ കാത്തിരുപ്പ് പരമാവധി കുറയ്ക്കുന്നതിനും സഹായിക്കുന്നു.
Cover Image: WAM.
