മുഹമ്മദ് ബിൻ റാഷിദ് ദുബായ് എയർഷോ സന്ദർശിച്ചു

യു എ ഇ വൈസ് പ്രസിഡന്റും, പ്രധാനമന്ത്രിയും, ദുബായ് ഭരണാധികാരിയുമായ H.H. ഷെയ്ഖ് മുഹമ്മദ് ബിൻ റാഷിദ് അൽ മക്തൂം ദുബായ് എയർഷോ സന്ദർശിച്ചു. 2025 നവംബർ 20-നാണ് ദുബായ് മീഡിയ ഓഫീസ് ഇക്കാര്യം അറിയിച്ചത്.

Mohammed bin Rashid visits the Dubai Airshow 2025 and reviews the latest technologies and innovations in aviation, aerospace, air mobility, and defence. pic.twitter.com/gEGqcQJHhx

— Dubai Media Office (@DXBMediaOffice) November 20, 2025

പത്തൊമ്പതാമത് ദുബായ് എയർഷോയുടെ നാലാം ദിനത്തിലാണ് അദ്ദേഹം പ്രദർശന വേദി സന്ദർശിച്ചത്. ദുബായ് എയർഷോയുടെ പത്തൊമ്പതാമത് പതിപ്പ് 2025 നവംബർ 17, തിങ്കളാഴ്ച ആരംഭിച്ചിരുന്നു.

സന്ദർശനത്തിന്റെ ഭാഗമായി ഷെയ്ഖ് മുഹമ്മദ് ബിൻ റാഷിദ് ദുബായ് എയർഷോ വേദിയിലൂടെ പര്യടനം നടത്തി. വ്യോമയാനം, ബഹിരാകാശം, പ്രതിരോധം തുടങ്ങിയ മേഖലകളിലെ ഏറ്റവും നൂതനമായ സാങ്കേതികവിദ്യകൾ അദ്ദേഹം വിലയിരുത്തി.

ലോകത്തെ തന്നെ ഏറ്റവും വലിയ വ്യോമയാന പ്രദർശനമായി ദുബായ് എയർഷോ മാറിയതായി അദ്ദേഹം അഭിപ്രായപ്പെട്ടു. ആഗോള വ്യോമയാന മേഖലയുടെ ഭാവി രൂപപ്പെടുത്തുന്നതിൽ യു എ ഇ വഹിക്കുന്ന പ്രധാന പങ്ക് അദ്ദേഹം ചൂണ്ടിക്കാട്ടി.

ദുബായ് വേൾഡ് സെന്ററിലെ ദുബായ് എയർഷോ വേദിയിൽ വെച്ചാണ് ഈ വ്യോമപ്രദർശനം സംഘടിപ്പിക്കുന്നത്. 2025 നവംബർ 17 മുതൽ നവംബർ 21 വരെയാണ് പത്തൊമ്പതാമത് ദുബായ് എയർഷോ സംഘടിപ്പിക്കുന്നത്.

യു എ ഇ: പത്തൊമ്പതാമത് ദുബായ് എയർഷോ ആരംഭിച്ചു

യു എ ഇ പ്രസിഡണ്ട് ദുബായ് എയർഷോ സന്ദർശിച്ചു

Cover Image: Dubai Media Office.