എമിറേറ്റിൽ 500 മീറ്റർ നീളമുള്ള പുതിയ ഒരു പാലം ഗതാഗതത്തിനായി തുറന്ന് കൊടുത്തതായി ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) അറിയിച്ചു. 2026 മെയ് 9-നാണ് ദുബായ് മീഡിയ ഓഫീസ് ഇത് സംബന്ധിച്ച അറിയിപ്പ് നൽകിയത്.
Dubai’s Roads and Transport Authority (RTA) opens a new 500-metre bridge under the World Trade Centre Roundabout Development Project. The bridge is designed to facilitate outbound traffic from Al Bada’a towards 2nd December Street, with onward access to Sheikh Rashid Road and Al… pic.twitter.com/saiuFjc10t
— Dubai Media Office (@DXBMediaOffice) May 9, 2026
കൊമേർഷ്യൽ സെന്റർ റൌണ്ട്എബൗട്ട് വികസനപദ്ധതിയുടെ ഭാഗമായാണ് ഈ പാലം തുറന്നത്. ദുബായിലെ ഗതാഗതത്തിരക്ക് കുറയ്ക്കുന്നതിനും, അടിസ്ഥാനസൗകര്യങ്ങൾ കൂടുതൽ വികസിപ്പിക്കുന്നതിനും ലക്ഷ്യമിട്ടാണിത്.
ഷെയ്ഖ് റാഷിദ് സ്ട്രീറ്റിലേക്കും അൽ വാസൽ സ്ട്രീറ്റിലേക്കും നേരിട്ടുള്ള ലിങ്കുകൾ നൽകികൊണ്ട് അൽ ബദായിൽ നിന്ന് ഡിസംബർ 2 സ്ട്രീറ്റിലേക്കുള്ള ഗതാഗതം സുഗമമാക്കുന്നതിനാണ് ഈ പുതിയ പാലം രൂപകൽപ്പന ചെയ്തിരിക്കുന്നത്.
കൊമേഴ്സ്യൽ സെന്റർ ജില്ലയ്ക്ക് ചുറ്റുമുള്ള കണക്റ്റിവിറ്റി വർദ്ധിപ്പിക്കുന്നതിനും, ഷെയ്ഖ് സായിദ് റോഡിലേക്കുള്ള പ്രവേശനം മെച്ചപ്പെടുത്തുന്നതിനും, ചുറ്റുമുള്ള റോഡുകളിലെ തിരക്ക് കുറയ്ക്കുന്നതിനും ഈ പദ്ധതി സഹായിക്കുമെന്ന് RTA അറിയിച്ചു.
ഒറ്റവരിയായി രൂപകൽപ്പന ചെയ്തിരിക്കുന്ന ഈ പാലം മണിക്കൂറിൽ 1,200 വാഹനങ്ങൾക്ക് വരെ കടന്ന് പോകുന്നതിന് ശേഷിയുള്ളതാണ്. മേഖലയിലെ യാത്രാ സമയം 8 മിനിറ്റിൽ നിന്ന് 2 മിനിറ്റായി കുറയ്ക്കുന്നതിന് ഈ പുതിയ പാലം കാരണമാകുന്നതാണ്.
Cover Image: Dubai Media Office.
