ദുബായ്: അൽ ഖലീജ് സ്ട്രീറ്റ് ടണൽ തുറന്നു

GCC News

1650 മീറ്റർ നീളമുള്ള അൽ ഖലീജ് സ്ട്രീറ്റ് ടണൽ ഗതാഗതത്തിനായി തുറന്ന് കൊടുത്തു. 2026 നവംബർ 8-നാണ് ദുബായ് റോഡ്സ് ആൻഡ് ട്രാൻസ്‌പോർട്ട് അതോറിറ്റി ഈ ടണൽ തുറന്ന് കൊടുത്തത്.

ഇൻഫിനിറ്റി ബ്രിഡ്ജ്, ദെയ്‌റ, അൽ മംസാർ എന്നിവിടങ്ങൾക്കിടയിൽ സഞ്ചരിക്കുന്ന വാഹനയാത്രക്കാർക്ക് ഈ പുതിയ ടണൽ കൂടുതൽ സുഗമമായ യാത്ര ഒരുക്കുന്നതാണ്.

ഓരോ ദിശയിലും മൂന്ന് ലെയ്‌നുകൾ വീതം ആകെ ആറ് ലെയ്‌നുകളുള്ള ഈ ടണലിന്, മണിക്കൂറിൽ 12,000 വാഹനങ്ങളെ ഉൾക്കൊള്ളാനുള്ള ശേഷിയുണ്ട്. ദെയ്‌റയിലെ പ്രധാന ഗതാഗത പാതകളിലൊന്നിലെ തിരക്ക് കുറയ്ക്കാനും, തിരക്കേറിയ നിരവധി താമസ, വാണിജ്യ, വിനോദസഞ്ചാര കേന്ദ്രങ്ങളിലേക്കുള്ള പ്രവേശനം മെച്ചപ്പെടുത്താനും ഈ ടണൽ സഹായകമാകുന്നതാണ്.

ദെയ്‌റയിലെ ‘ഇൻഫിനിറ്റി ബ്രിഡ്ജ്’ റാമ്പിന്റെ അറ്റത്ത് നിന്ന് ആരംഭിച്ച്, അൽ ഖലീജ് സ്ട്രീറ്റും അൽ വുഹൈദ സ്ട്രീറ്റും ചേരുന്ന ജംഗ്ഷൻ വരെ നീളുന്നതാണ് ഈ പുതിയ ടണൽ. ഇത് ഇരുദിശകളിലേക്കും തടസ്സമില്ലാത്ത ഗതാഗതം സാധ്യമാക്കുന്നു.

അൽ ഷിന്ദഗ കോറിഡോർ വികസന പദ്ധതി എന്ന ബൃഹത്തായ പദ്ധതിയുടെ ഭാഗമായാണ് ഈ ടണൽ തുറക്കുന്നത്.