അൽ ഖുദ്ര റോഡ്, ഷെയ്ഖ് സായിദ് ബിൻ ഹംദാൻ അൽ നഹ്യാൻ സ്ട്രീറ്റ് എന്നിവയുടെ ഇന്റർസെക്ഷനിൽ ഒരു പുതിയ പാലം തുറന്നു. 2026 ഓഗസ്റ്റ് 9-നാണ് ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) ഇക്കാര്യം അറിയിച്ചത്.
#RTA has opened a new 700-metre, four-lane bridge at the intersection of Al Qudra Road and Sheikh Zayed bin Hamdan Al Nahyan Street, with a capacity of 6,000 vehicles per hour.
— RTA (@rta_dubai) August 9, 2026
The bridge serves traffic along Al Qudra Road towards Al Qudra City, enhancing traffic flow and… pic.twitter.com/kZydd7GESV
നാല് വരികളുള്ള ഈ പാലത്തിന് 700 മീറ്റർ നീളമുണ്ട്. മണിക്കൂറിൽ 6000 വാഹനങ്ങൾക്ക് വരെ കടന്ന് പോകാനാകുന്ന രീതിയിലാണ് ഈ പാലം നിർമ്മിച്ചിരിക്കുന്നത്.
അൽ ഖുദ്ര റോഡിലൂടെ അൽ ഖുദ്ര സിറ്റിയിലേക്കുള്ള ഗതാഗതം ഈ പാലം വഴി സാധ്യമാകുന്നതാണ്. മേഖലയിലെ ഗതാഗതം സുഗമമാക്കുന്നതിനും, പ്രദേശത്തെ പ്രധാന ഇടനാഴികൾ തമ്മിലുള്ള ബന്ധം വർദ്ധിപ്പിക്കുന്നതിനും ഈ പാലം സഹായകമാകുന്നതാണ്.
അൽ ഖുദ്ര റോഡും ഷെയ്ഖ് സായിദ് ബിൻ ഹംദാൻ അൽ നഹ്യാൻ സ്ട്രീറ്റും തമ്മിലുള്ള ഇന്റർസെക്ഷനിൽ തെക്ക് ഭാഗത്തായി, വലതുവശത്താണ് ഈ പാലം നിർമ്മിച്ചിരിക്കുന്നത്. ഈ ഇന്റർസെക്ഷൻ നവീകരണത്തിന്റെ ഭാഗമായാണ് ഈ പുതിയ പാലം നിർമ്മിച്ചത്.
2026-ലെ നാലാം പാദത്തിൽ, എല്ലാ ദിശകളിലേക്കും സുഗമമായ ഗതാഗതം സാധ്യമാക്കുന്നതിനായി RTA ഈ ഇന്റർസെക്ഷനിൽ സൈഡ് റാമ്പ് പാലങ്ങൾ തുറക്കുന്നതാണ്.
നിരവധി കവലകൾ നവീകരിക്കുന്നതും, 4,000 മീറ്റർ നീളമുള്ള പാലങ്ങൾ നിർമ്മിക്കുന്നതും, അൽ ഖുദ്റ റോഡിന്റെ 11.6 കിലോമീറ്റർ നീളമുള്ള വികസനവും ഉൾപ്പെടയുള്ള നിർമ്മാണപ്രവർത്തനങ്ങൾ ഉൾപ്പെടുന്നതാണ് ഈ പദ്ധതി. ഈ പ്രവൃത്തികൾ റോഡിന്റെ ശേഷി വർദ്ധിപ്പിക്കുകയും യാത്രാ സമയം 70% കുറയ്ക്കുകയും (9.4 മിനിറ്റിൽ നിന്ന് 2.8 മിനിറ്റായി) ചെയ്യുന്നതാണ്.
Cover Image: Dubai Media Office.
